I vieryli ž na słova
Schiema złačynnych dziejańniaŭ była davoli prostaja. Małady čałaviek raźmiaściŭ u internecie abjavu, što jon akazvaje dapamohu ŭ nabyćci aŭtamabilaŭ na terytoryi Prybałtyki i Jeŭropy. Na abjavu tut ža adhuknulisia achvotniki. Klijenty cikavilisia najaŭnaściu peŭnaj mašyny i davali pierahonščyki pieradapłatu. Adny patencyjnyja aŭtaŭładalniki spakojna addavali afierystu ŭsiu sumu, inšyja — tolki jaje častku. Ale ni tyja, ni druhija tak i nie atrymali ni abiacanych inšamarak, ni ŭniesienych za ich hrošaj. Pryčym małady čałaviek staraŭsia ciahnuć da apošniaha, spasyłajučysia na vializnyja čerhi na mytni, nieparadki z dakumientami i navat pavodku i śniehapady ŭ Hiermanii.24-hadovy žychar Minskaha rajona «zarabiŭ» 250 tysiač dalaraŭ ZŠA prosta za abiacańni.
Padčas pracy pa dadzienaj spravie ŭ kvatery afierysta apieratyŭnikami byli vyjaŭlenyja dva vielizarnych miachi z žanočaj bializnaj, jakuju toj zakupiŭ za miažoj na atrymanyja ad paciarpiełych hrošy. Hety tavar jon źbiraŭsia pradać na terytoryi Biełarusi. Taksama za paŭtara hoda burnaj dziejnaści na jaho było składziena 86 administracyjnych pratakołaŭ, vynikam jakich staŭ štraf na sumu 30 miljonaŭ biełaruskich rubloŭ.
Na dadzieny momant u dačynieńni da maładoha čałavieka raspačataja kryminalnaja sprava za machlarstva, vynikam jakoj mohuć być 12 hadoŭ pazbaŭleńnia voli z kanfiskacyjaj majomaści.