U Mazyry dapytali Ryhora Kryvickaha — aktyvista štaba Sańnikava
U paniadziełak u Mazyry ŭ miascovy adździeł KDB byŭ vyklikany Ryhor Kryvicki, aktyvist vybarčaha štabu Andreja Sańnikava.
«Dapytvaŭ mianie dźvie hadziny ŭ jakaści śviedki pra biesparadki ŭ Miensku supracoŭnik KDB Prychodźka. Pra niejkija padrabiaznaści dopytu ja nie mahu havaryć, pakolki ŭ mianie ŭziali padpisku pra nierazhałošvańnie. Sam ja 19 śniežnia ŭ stalicy nia byŭ», — paviedamiŭ spadar Kryvicki.
2 lutaha mazyrskija čekisty praviali ŭ kvatery pensijanera Kryvickaha pieratrus, ničoha nie zabrali.
Pry kancy minułaha tydnia na dopyt u Mazyrski adździeł KDB vyklikali Alaksandra Kavalčuka — davieranuju asobu kandydata ŭ prezydenty Vitala Rymašeŭskaha.