U Minsku adkryłasia vystava kaściumaŭ nacmienšaściaŭ Kitaja
15 lutaha ŭ Minsku ŭ Nacyjanalnym histaryčnym muziei Biełarusi adkryłasia vystava «Kaściumy nacyjanalnych mienšaściaŭ Kitajskaj Narodnaj Respubliki».
Na terytoryi Kitaja pražyvajuć 56 narodnaściej. Pieravažnuju bolšaść składaje narodnaść chań — kala 90% ad ahulnaj kolkaści nasielnictva. Inšyja narodnaści pryniata nazyvać nacyjanalnymi mienšaściami, jany žyvuć u roznych hieahrafičnych i klimatyčnych umovach. Heta vialikija raŭniny i stepy, mahutnyja hory i pustyni, tajha i vilhotnyja lasy.
Niepaŭtornyja nacyjanalnyja stroi narodaŭ Kitaja stvaralisia z ulikam vytvorčych patreb i žyćciovaha ŭkładu. Nacyjanalnyja harnitury narodnaściaŭ, jakija nasialajuć Kitaj, nadzvyčaj raznastajnyja dziakujučy tkaninam, bahaćciu koleraŭ, kroju i nievierahodnym spałučeńniam.
Na vystavie pradstaŭlena kala 30 strojaŭ kitajskich narodnaściaŭ, a taksama fotazdymki i lalki ŭ nacyjanalnych kaściumach.