Rasijskija błohiery ŭznačalili zmahańnie z karupcyjaj
Jany stvaryli sajt «RosPił», jaki bje rekordy papularnaści.
Viadomy rasijski błohier Alaksiej Navalny prydumaŭ sposab, jak uskładnić zadaču niačystym na ruku dziaržaŭnym čynoŭnikam. Jon stvaryŭ sajt z charakternaj nazvaj «RosPił», na jakim akumulujecca infarmacyja pra sumnieŭnyja apieracyi,
«RosPił» aktyŭna karystajecca sacyjalnymi sietkami.
z dapamohaj jakich rasijskija čynoŭniki niezakonna palapšajuć svoj ułasny dabrabyt.
«Sajt pryśviečany baraćbie z čynoŭnikami, jakija vykarystoŭvajuć sistemu dziaržaŭnych zakupak dla asabistaha ŭzbahačeńnia. Heta kradziež ŭ dziaržaŭnym maštabie nieabchodna spynić,— havorycca na sajcie «RosPił». — Naša meta — heta nie prosta zbor infarmacyi ab kradziažy i kalektyŭnaje abureńnie, a kankretnaja praca pa kožnamu konkursu z pryciahnieńniem ekśpiertaŭ».
Alaksiej Navalny tłumačyć, navošta jon uziaŭsia za hetuju spravu.
«Navošta ŭsio heta treba? Dziela taho, što piensijaniery, lekary, nastaŭniki znachodziacca na miažy vyžyvańnia, u toj čas jak machlary la ŭłady kuplajuć čarhovuju viłu, jachtu ci jašče čort viedaje što.Heta našy hrošy. Heta narmalnaje miedycynskaje absłuhoŭvańnie. Heta jakasnaja adukacyja. Heta darohi, pa jakich možna jeździć. Heta čystyja vulicy. Heta mahčymaść usim nam žyć lepš».
Jon nie adzinoki ŭ svajoj baraćbie.
Da akcyi dałučyłasia niekalki tysiač błohieraŭ, jakija adhuknulisia na prapanovu Navalnaha źbirać hrošy na dziejnaść prajekta.Hrošy patrebnyja dla vypłaty zarobkaŭ jurystam, jakija dajuć ekśpiertnuju acenku sumnieŭnym apieracyjam ź dziaržaŭnymi srodkami. Pośpiech akcyi šmat u čym hruntujecca na aktyŭnaj pracy z sacyjalnymi sietkami.
Pieršyja pośpiechi kampanii ŭražvajuć: A.Navalny dabiŭsia ŭ sudach prava na dostup da dakumientaŭ kampanij «Tranśniefť» i «Rośniefť», akcyjanieram jakich jon źjaŭlajecca.Dla hetaha jamu spatrebiłasia kala dvuch hadoŭ.
«Tranśniefť» i «Rośniefť» — kampanii, jakija kantralujucca Pucinym i jahonym atačeńniem.
Alaksiej Navalny naradziŭsia ŭ 1976 hodzie. Pavodle adukacyi juryst. U svoj čas byŭ siabrom partyi «Jabłoko», zasnavalnikam i kaardynataram niekalkich moładzievych ruchaŭ i palityčnych prajektaŭ. Papularny błohier.