Prysud Andreju Pačobutu abskardžany ŭ haradski sud
Prysud žurnalistu «Haziety vyborčaj» Andreju Pačobutu abskardžany ŭ Minski haradski sud, skarhu padaŭ advakat Alaksandr Halijeŭ.
Advakat napiaredadni sustreŭsia z žurnalistam, jaki adbyvaje
Pa słovach advakata Alaksandra Halijeva, hetaja ž pazicyja vykładzienaja i ŭ skarzie:
«Jon nie pahadžajecca z tym, što ŭ jahonych dziejańniach jość skład pravaparušeńnia, u jakim jaho abvinavačvajuć. Niazhoda datyčyć momantu, u jakim jon nibyta vykrykvaŭ niejkija łozunhi. A druhi momant, jaki abskardžvajem — heta toje, što supracoŭniki milicyi źmianili svaje pakazańni ab prysutnaści biejdža supracoŭnika «Haziety vyborčaj».
Alaksandr Halijeŭ skazaŭ, što nastroj u Andreja Pačobuta badziory, aptymistyčny, a navat iraničny.
Pačobut byŭ asudžany sudździoj Kastryčnickaha suda Minska Natallej Pratasavickaj. Heta byŭ užo druhi prysud žurnalistu pa adnoj i toj ža spravie — nibyta za ŭdzieł u niesankcyjanavanaj demanstracyi. Pieršy raz Pačobuta aštrafavali na 1 młn. 750 tys. rubloŭ, ale prakuratura apratestavała pastanovu suda jak zanadta miakkuju.