U Viciebsku abjavili Hod bieł-čyrvona-biełaha ściaha (fota)
Žychary Viciebska mohuć rehularna bačyć kala tak zvanaha «Siniaha doma» viadomaha miascovaha apazicyjaniera Barysa Chamajdu pad bieł-čyrvona-biełym ściaham na vysokim fłahštoku.
Jak rastłumačyŭ Barys Chanonavič, u suviazi z nastupleńniem u 2011 hodzie 20-hodździa niezaležnaści Respubliki Biełaruś jon abjaviŭ Hod bieł-čyrvona-biełaha ściaha.
Fota Sieržuka Sierabro, «Narodnyja naviny Viciebska».
Na praciahu studzienia-lutaha Chamajdu za padniaćcie nacyjanalnaha ściaha dvojčy zatrymlivała milicyja, adnak sudy abodva razy stali na bok apazicyjaniera. U apošnim rašeńni, vyniesienym sudździoj Čyhunačnaha rajonnaha suda Viciebska Hrabienčukom, adznačajecca, što «pryciahnieńnie da siabie ŭvahi pry dapamozie bieł-čyrvona-biełaha ściaha nie ŭtvaraje składu pravaparušeńnia, praduhledžanaha art. 23.34 (parušeńnie paradku arhanizacyi abo praviadzieńnia masavaha mierapryjemstva abo pikietavańnia) KoAP Respubliki Biełaruś», a tamu administracyjnuju spravu u dačynieńni da Barysa Chamajdy treba spynić.
Čytajcie taksama:
Kamientary da artykuła