Najmahutniejšaja ŭspyška na Soncy moža vyklikać mahnitnyja bury
Zafiksavanaja ŭ paniadziełak ranicaj uspyška na Soncy stała samaj mocnaj za apošnija čatyry hady, paviedamlajuć navukoŭcy.
15 lutaha ŭ 01.56 nočy pa Hrynvičy amierykanski spadarožnik Absiervatoryja soniečnaj dynamiki zarehistravaŭ intensiŭny vykid enierhii z pavierchni Sonca ŭ napramku Ziamli.
Pavodle dadzienych śpiecyjalistaŭ z Nacyjanalnaha ŭpraŭleńnia ZŠA pa aeranaŭtycy i daśledavańni kaśmičnaj prastory (NASA), hetaja ŭspyška była vyklikanaja vyviaržeńniem katehoryi Ch — heta značyć, najbujniejšym u sistemie kłasifikacyi vyviaržeńniaŭ raspalenaj płazmy na karonie Sonca.
Vyłučajuć piać vidaŭ vybuchaŭ — kłasa A, B, C, M i X — pik mahutnaści kožnaha nastupnaha kłasu ŭ dziesiać razoŭ pieravyšaje papiaredni.
Sonca pračynajecca
Anamalnyja ŭspyški kłasu M i vyšejšyja mohuć vyklikać na Ziamli mahnitnyja bury i nanosić škodu pracy elektroniki i sistemam suviazi.
Pavodle dadzienych, atrymanych praz spadarožniki
Nie vyklučana, što
taki imklivy vykid raspalenaj płazmy moža stvaryć umovy dla źjaŭleńnia Paŭnočnaha źziańnia na bolš nizkich, čym zvyčajna, šyrotach, naprykład, u Paŭnočnaj Irłandyi.
Čakajecca, što ŭ najbližejšy čas Sonca budzie takoje ž aktyŭnaje, bo, na dumku navukoŭcaŭ, jano abudžajecca napiaredadni čarhovaj fazy vysokaj aktyŭnaści.