Pałova karystalnikaŭ sacsietak chłusić
I radziej za ŭsio — pra palityčnyja i relihijnyja pohlady.
Jak śviedčyć apytańnie hramadskaj dumki, praviedzieny VCIOM, krychu bolš za pałovu rasijskich karystalnikaŭ choć by adnojčy raźmiaščali niapraŭdu pra siabie ŭ sacyjalnych sietkach.
Najbolš schilnyja da virtualnaj chłuśni karystalniki ad 18 da 24 hadoŭ. Čaściej za ŭsio ludzi skažajuć źviestki pra svajo imia i ŭzrost (29% apytanych), siamiejnaje stanovišča (23%), źniešnaść i zachapleńni (pa 22%).
Krychu mienš aktyŭna ludzi paviedamlajuć niapraŭdu pra svaje muzyčnyja i mastackija prychilnaści (18%), uzrovień adukacyi i miesca navučańnia, padarožžy (pa 17%), miesca žycharstva, miesca pracy i zajmanuju pasadu, pakupki i pasłuhi (pa 15%), prafiesiju, seksualnyja adnosiny (pa 14%), uzrovień dachodaŭ i nacyjanalnaść (pa 13%). Radziej za ŭsio ŭdzielniki sacyjalnych sietak chłusiać pra svaje palityčnyja i relihijnyja pohlady (11 i 10% adpaviedna).
Rehistracyja ŭ sacyjalnych sietkach pad vydumanymi imionami najbolš charakternaja dla mužčynaŭ — tak robić 33% ź ich. Pry hetym mužčynam bolš ułaściva paviedamlać praŭdu pra svoj uzrost i siamiejnaje stanovišča. Akramia taho, da prydumlańnia sabie «nikaŭ» schilnyja karystalniki, maładziejšyja za 35 hadoŭ.