Davieranuju asobu Alesia Michaleviča vyklikajuć na dopyt u KDB
Davieranuju asobu kandydata ŭ prezydenty Alesia Michaleviča, mahiloŭskaha aktyvista stvaranaj Partyi svabody j prahresu Alaksandra Siłkova vyklikali na dopyt u KDB.
Jak paviedamiŭ Siłkoŭ, jamu patelefanavaŭ supracoŭnik KDB Alaksandar Cierachaŭ i nastojliva prapanavaŭ źjavicca na dopyt, a 15 hadzinie. Alaksandra Siłkova źbirajucca dapytać jak śviedku pa kryminalnaj spravie ab padziejach u Miensku 19 śniežnia.
Alaksandar Siłkoŭ nia ŭdzielničaŭ u mienskich akcyjach pratestu. U dzień vybaraŭ jon byŭ zaniaty kaardynacyjaj niezaležnaha nazirańnia ŭ Mahilovie i vobłaści. Aktyvist nie vyklučaje, što vyklik źviazany z zajavami Alesia Michaleviča paśla jaho vyzvaleńnia ź izalataru KDB pad padpisku ab niavyjeździe.
Na Mahiloŭščynie z kamandy Michaleviča adrazu paśla vybaraŭ byŭ dapytany Aleś Čyhir. Jon taksama byŭ jaho davieranaj asobaj.