Biełaruś nazvała nieprymalnuju canu za «Biełtranshaz»
Rynkavaja cana «Biełtranshazu» składaje ad 10 da 17 miljardaŭ dalaraŭ, ličyć premjer-ministar Biełarusi Siarhiej Sidorski. «Zychodziačy z hetaha, my i viadziom pieramovy», – zajaviŭ u čaćvier u pałacie pradstaŭnikoŭ Siarhiej Sidorski. Heta aznačaje: Biełaruś sapraŭdy budzie płacić 200 dalaraŭ za tysiaču kuboŭ hazu z Novaha hodu.
Rynkavaja cana «Biełtranshazu» składaje ad 10 da 17 miljardaŭ dalaraŭ, ličyć premjer-ministar Biełarusi Siarhiej Sidorski. «Zychodziačy z hetaha, my i viadziom pieramovy», – zajaviŭ u čaćvier u pałacie pradstaŭnikoŭ Siarhiej Sidorski.
«My spadziajemsia, što tyja parametry, jakija buduć padadzienyja ŭ pieramoŭnym pracesie biełaruskim bokam (Ministerstva enerhietyki, «Biełtranshaz»), buduć abjektyŭna ŭspryniatyja našymi partnerami z rasiejskaha boku», – padkreśliŭ jon.
Siarhiej Sidorski taksama nahadaŭ, što baki padpisali damovu pra praviadzieńnie halandzkim bankam ABN niezaležnaj acenki «Biełtranshazu». Pavodle jahonych słovaŭ, praca ekspertaŭ pakazvaje, što raźliki, padadzienyja specyjalistami ź biełaruskaha boku, apraŭdanyja, majuć pad saboj kankretnyja ekanamičnyja padstavy.
Siarhiej Sidorski taksama nahadaŭ, što Biełaruś atrymlivała i atrymlivaje rasiejski haz pa rynkavych cenach. Jon adznačyŭ, što «dla Biełarusi cana na haz – rynkavaja. Jana ŭstaloŭvajecca miž «Biełtranshazam» i «Hazpromam» zaklučeńniem kantraktu, zychodziačy z rynkavaj cany hazu, prapanavanaj «Hazpromam» «va ŭviazcy z transpartnaj systemaj našaj krainy».
U zaležnaści ad rynkavaj tranzytnaj staŭki, ad abjomu, ad pieramoŭnych pazycyj biełaruskaha i rasiejskaha bakoŭ i farmirujucca kantrakty, – patłumačyŭ premjer-ministar. «I nichto nikomu nijakaj łaski nie rabiŭ i nia robić», – padkreśliŭ jon.
«I kali my kažam siońnia pra pavyšeńnie rynkavaj cany dla Biełarusi, jak zajaŭlaje «Hazprom», da ŭzroŭniu 200 dalaraŭ za tysiaču kubametraŭ, – heta prava rasiejskaha boku. Ale prava biełaruskich pieramoŭnikaŭ – prapanavać umovy, u jakich buduć pracavać ekanomiki abiedźviuch krainaŭ».
Kiraŭnik uradu padkreśliŭ, što pazycyja Biełarusi staić u tym, što «stratehija farmavańnia rynkavaj cany – heta pavyšeńnie na ŭzroŭni 15%, jakoje zakładzienaje ŭ stratehii rasiejskaha ŭradu». «My spakojna stavimsia da toj stratehii, jakaja pryniataja ŭradam Rasiei pa pavieličeńni cany na haz da 2011 hodu da 180 dalaraŭ», – reziumavaŭ premjer-ministar.