Pasolstva Polščy ŭvodzić ekspres-vizy
Na jaje afarmleńnie spatrebicca ŭsiaho niekalki hadzin
Pasolstva Polščy ŭ Biełarusi ŭviała novuju formu viz dla hramadzian, jakim treba terminova trapić u hetu krainu, ale niama času na doŭhaje afarmleńnie dakumentaŭ. Ekspres-viza moža być zroblena za niekalki hadzin, konsulski zbor za jaje vydaču składzie $38.
Jak paviedamili karespandentu BIEŁTA ŭ pasolstvie Polščy ŭ Biełarusi, ciapier adnarazovaja zvyčajnaja viza kaštuje $6, šmatrazovaja – $30. Da ŭstupleńnia Polščy ŭ Šenhienskuju zonu, jakoje zaplanavana na śniežań 2007 h. – sakavik 2008 h., pamier konsulskich zboraŭ zastaniecca raniejšy. Paśla dałučeńnia da Šenhienskaha pahadnieńnia Polšča vymušana budzie ŭstalavać canu ŭ 60 eŭra. Adnak jana hatova razhledzieć pytańnie pra košt viz dla asobnych katehoryj biełaruskich hramadzian, adznačyli ŭ dyppradstaŭnictvie.
Štodzionna konsulski adździeł vydaje kala 500 vizaŭ. U cełym kolkaść vydadzienych viz za 2006 h. nablizicca da 100 tys.
Na peryjad kaladnych śviataŭ dakumenty na atrymańnie vizy možna budzie zdać u luby rabočy dzień, aproč 26 śniežnia, paviedamili ŭ polskim pasolstvie.