Sankcyi AAN nie zabaraniajuć livijskaj apazicyi pradavać naftu za miažu
Sankcyi Rady biaśpieki AAN u dačynieńni da Livii nie raspaŭsiudžvajucca na pastaŭku nafty z krainy kampanijami, niepadkantrolnyja lidaru Džamachiryi Muamaru Kadafi.Pra heta zajaviła dypłamatyčnaja krynica ŭ Radzie biaśpieki AAN.
Raniej paviedamlałasia, što praciŭniki Kadafi na padkantrolnych terytoryjach na ŭschodzie krainy zdabyvajuć u sutki 130 tys. barelaŭ nafty i rychtujucca pierahaniać jaje ŭ Katar dla nastupnaha prodažu.
«Nijakaha embarha na livijskuju naftu niama, — pryvodzić ahienctva Reuters słovy dypłamata, imia jakoha nie nazyvajecca. — Paŭstancy mohuć pradavać naftu, adnak jany nie mohuć heta rabić praz Nacyjanalnuju naftavuju karparacyju Livii».