U kancy tydnia pačniecca sapraŭdnaja viasna

U niadzielu ŭdzień čakajecca da 18 hradusaŭ ciapła.

U kancy tydnia ŭ Biełarusi prykmietna paciapleje, paviedamiła hałoŭny sinoptyk Respublikanskaha hidramieteacentra Volha Fiadotava. Niadzielnym dniom 3 krasavika na poŭdni krainy pavietra prahrejecca da 18 hradusaŭ ciapła.

Adnak apošnija dni sakavika Biełaruś jašče zastaniecca va ŭładzie davoli chaładnavatych pavietranych mas, što pryjduć z paŭnočnaha zachadu Jeŭropy. Hetaj nočču atmaśfierny front, jaki pieramiaščajecca z Bałtyjskaha mora, abumović miescami pa respublicy karotkačasovyja apadki, u asnoŭnym u vyhladzie śniehu.

U aŭtorak udzień nievialikija apadki prahnazujucca tolki ŭ asobnych rajonach Homielskaj vobłaści. Padźmie zachodni ŭmierany viecier. U načnyja hadziny asobnyja ŭčastki daroh stanuć ślizkimi. Tempieratura pavietra ŭ noč na 29 sakavika panizicca da nula — 7 hradusaŭ marozu. Udzień pavietra prahrejecca da 2–7 hradusaŭ ciapła, pa zachadzie krainy — da 9 hradusaŭ vyšej za nul.

U sieradu, 30 sakavika, čarhovaja porcyja vilhotnaha pavietra z Atłantyki dasiahnie miežaŭ Biełarusi, pa paŭnočnaj pałovie krainy projduć karotkačasovyja apadki ŭ vyhladzie mokraha śniehu i daždžu. U paŭnočnych rajonach padźmie paryvisty zachodni viecier. Pry hetym tempieraturny fon istotna nie źmienicca: udzień termomietry pakažuć plus 2–9 hradusaŭ,

a pa paŭdniovym zachadzie Bresckaj vobłaści pavietra moža prahrecca da plus 13 hradusaŭ.

U apošni dzień sakavika niepraciahłyja apadki čakajucca pieravažna ŭ paŭdniova-zachodnich rajonach krainy, u asnoŭnym u vyhladzie daždžu. U noč na čaćvier čakajecca ad 5 hradusaŭ marozu pa paŭnočnym uschodzie da 2 hradusaŭ ciapła pa paŭdniovym zachadzie. Udzień 31 sakavika pavietra prahrejecca da 3–10 hradusaŭ ciapła, u Bresckaj vobłaści čakajecca da plus 15 hradusaŭ.

Pavodle papiarednich raźlikaŭ, u kancy tydnia paciapleje. Na terytoryju Biełarusi nakirujucca pavietranyja masy z Zachodniaj Jeŭropy.

U piatnicu, 1 krasavika, i ŭ subotu, 2 krasavika, miescami projduć karotkačasovyja apadki, u asnoŭnym doždž. Minimalnaja tempieratura pavietra ŭ noč na 1 krasavika budzie vahacca ad minus 4 da plus 3 hradusaŭ,

u dzionnyja hadziny čakajecca ad 7 da 13 hradusaŭ ciapła, u Bresckaj vobłaści pavietra prahrejecca da 16 hradusaŭ vyšej za nul.

Istotna nie źmienicca tempieraturny režym i ŭ subotu, 2 krasavika. U dzionnyja hadziny termomietry pakažuć plus 8–14 hradusaŭ, u Bresckaj vobłaści pavietra prahrejecca da plus 16 hradusaŭ.

Samym ciopłym dniom tydnia abiacaje być niadziela, 3 krasavika. Adnak pieravažna ŭ paŭnočna-zachodnich rajonach respubliki čakajecca karotkačasovy doždž. Tempieratura pavietra ŭ noč na niadzielu składzie 1–8 hradusaŭ ciapła,

udzień pavietra prahrejecca da plus 9–15 hradusaŭ, u Bresckaj vobłaści — da plus 18 hradusaŭ.

Taki tempieraturny fon, jaki čakajecca ŭ niadzielu, na 2–7 hradusaŭ budzie ciaplejšy za zvyčajny dla pačatku krasavika.

Kamientary da artykuła