Partyja BNF nakiravała pazoŭ u Minski haspadarčy sud pa spravie ofisa
Pra heta BiełaPAN paviedamiŭ adkazny sakratar upravy Partyi BNF pravaabaronca Ŭładzimir Łabkovič.
Jon nahadaŭ, što 17 lutaha partyja atrymała čarhovy list ad ŽREA Savieckaha rajona Minska z papiaredžańniem pra toje, što 31 sakavika 2011 hoda zaviaršajecca termin arendy pamiaškańnia pa praśpiekcie Mašerava, 8, i novaja damova składziena nie budzie. Pryčynaj takoha rašeńnia ŭ liście nazvana nienaležnaje vykanańnie ŭmoŭ arendy, niaŭčasnaja vypłata arendnaj płaty.
Łabkovič adznačyŭ, što ŭviečary 28 sakavika jon apłaciŭ dziaržaŭnuju mytu i adpraviŭ zajavu ŭ Minski haspadarčy sud z patrabavańniem admianić heta rašeńnie. Pa jaho słovach, damova arendy pamiaškańnia vykonvajecca, i zapazyčanaściaŭ pa apłacie niama.
Anałahičnaja pazoŭnaja zajava 29 sakavika budzie padadziena ad Minskaj abłasnoj i Minskaj haradskoj arhanizacyj Partyi BNF.