Taćciana Sieviaryniec dabivajecca sustrečy ź mitrapalitam Fiłaretam
Maci palitźniavolenaha lidara BCHD Paŭła Sieviarynca praciahvaje dabivacca, kab jaje syna, što ŭtrymlivajecca ŭ śledčym izalatary KDB, naviedaŭ śviatar.
Palityk, sustaršynia arhkamitetu pa stvareńni Partyi Biełaruskaja Chryścijanskaja Demakratyja ŭ svaich listach vykazvaŭ žadańnie ab sustrečy sa śviatarom, kab spaviadacca i pryniać Śviatoje Pryčaście.
Taćciana Jaŭhienaŭna damoviłasia z ajcom Vasilom ź Minskaj jeparchii, jaki adkazvaje za carkoŭnuju pracu sa źniavolenymi ŭ turmach. Adnak śledčy admoviŭ ŭ sustrečy Sieviarynca sa śviatarom. Kab vyrašyć hetuju prablemu, Taćciana Sieviaryniec sprabuje sustrecca ź mitrapalitam Minskim i Słuckim, patryjaršym ekzarcham Biełarusi Fiłaretam.
Pavodle Taćciany Sieviaryniec, kali atrymajecca damahčysia zaklučeńnia damovy carkvy sa śledčym izalataram KDB, heta stanie sapraŭdnym praryvam. Kali nie Pavieł Sieviaryniec, dyk inšyja aryštavanyja zdolejuć atrymać prava na spoviedź i malitvu.