Łukašenka vyzvaliŭ sabranyja ŭ Rasii inšamarki ad akcyzaŭ i PDV. Častka płaty za kredyt?
Heta praduhledžana ŭkazam №130, padpisanym 4 krasavika.
Heta praduhledžana ŭkazam № 130, padpisanym 4 krasavika.
Tak, kali raniej ad akcyzaŭ i padatku na dabaŭlenuju vartaść, jakija spahaniajucca mytnymi orhanami, vyzvalalisia ŭviezienyja ŭ krainu transpartnyja srodki, za vyklučeńniem tych, što prybyvali z Rasii, to zaraz padobnyja ŭmovy raspaŭsiudžvajucca na aŭtamabili, uviezienyja ź luboj krainy. Raniej z aŭtamabilaŭ ź inšych krainaŭ Biełaruś spahaniała myty, a z rasijskich — hetyja płaciažy.
Na dumku hiendyrektarki Biełaruskaj aŭtamabilnaj asacyjacyi Ludmiły Šabanavaj, hetaje rašeńnie pavialičyć kolkaść inšamarak rasijskaj zborki na biełaruskim rynku. Asobnyja imparciory, vierahodna, pašyrać svaje łahistyčnyja łancužki. U pryvatnaści, heta mohuć zrabić pastaŭščyki aŭtamabilaŭ Volkswagen, Nissan, Toyota i Mazda.
Zrešty, u ciapierašni čas asartymient madelaŭ, jakija źbirajucca ŭ Rasii, niedastatkova šyroki, zaŭvažaje jana.
Akramia taho, miarkuje Ludmiła Šabanava, ukaz stvaraje spryjalnyja ŭmovy dla arhanizacyi vytvorčaści ŭ Biełarusi lehkavikoŭ i aŭtakampanientaŭ. U pryvatnaści, jany mohuć raźličvać na vyzvaleńnie ad akcyzaŭ i PDV. «Ja dumaju, heta vielmi dobry začyn na budučyniu», — rastłumačyła ekśpiert.