Sidorski z žonkaj adpačyvaŭ u Čechii

Žonka byłoha prem'jera raskazała, dzie ciapier jaje muž i čym zajmajecca.

Žonka byłoha prem'jer-ministra Siarhieja Sidorskaha, jaki kiravaŭ biełaruskim uradam na praciahu siami hadoŭ da 28 śniežnia 2010 hoda, raskazała «Salidarnaści», dzie ciapier jaje muž i čym zajmajecca.

Fota «Salidarnaści».

Datelefanavacca Ludmile Sidorskaj było niaprosta. Na nieznajomyja numary, jak papiaredžvali ludzi ź jaje asiarodździa, jana nie reahuje, palityčnyja temy z žurnalistami nie abmiarkoŭvaje.

Niekalki tydniaŭ tamu žurnalisty ŭžo sprabavali ź joj źviazacca. Adnak žonka eks-kiraŭnika ŭrada Biełarusi była «pa-za zonaj dziejańnia sietki», što tolki dadało pytańniaŭ. I voś 6 krasavika na inšym kancy drotu pačuŭšy vietlivy hołas Ludmiły Sidorskaj.

— Viedajecie, chodziać roznyja čutki, bo pra Siarhieja Siarhiejeviča ničoha nie čuvać. Kažuć, što vy pierajechali ŭ Hiermaniju…

— My nikudy nie źnikli, nikudy nie pierajechali. Doma. U Minsku.

— Niekalki tydniaŭ nazad vy praciahły čas byli niedastupnyja. Niekudy ŭsio-tki źjazdžali?

— Na try tydni jeździli adpačyvać u Čechiju. Nie da siabroŭ. Prosta kupili pucioŭku… Viarnulisia paŭmiesiaca tamu.

— Siarhieju Siarhiejeviču prapanoŭvali niejkuju pasadu ŭ Biełarusi ci, moža, pastupali prapanovy z-za miažy? Naohuł, jon razhladaje ciapier niejkija varyjanty pracaŭładkavańnia?

— [Paŭza] Ja nie mahu adkazać na hetaje pytańnie. Pra heta lepš havaryć ź im… Choć ad intervju jon ciapier ustrymlivajecca. Mahu tolki skazać, što Siarhiej Siarhiejevič pakul adpačyvaje, a taksama z zadavalnieńniem zajmajecca navukovaj dziejnaściu. Jon ža doktar techničnych navuk [u 1976 hodzie skončyŭ elektratechničny fakultet Biełaruskaha instytuta inžynieraŭ čyhunačnaha transpartu. Śpiecyjalist u halinie vakuumna-płazmavych technałohij, — Red.]. Plus internet, knihi…

— Vy zhadali internet. Jon aktyŭny karystalnik?

— U asnoŭnym vyvučaje techničnyja navinki i navukovyja vydańni. «Dahaniaje» toje, što raniej nie paśpiavaŭ praz svaju zaniataść. Plus, viadoma, naviny. U pieršuju čarhu ekanamičnaj tematyki. Bolš za ŭsio jaho chvaluje ekanamičnaja situacyja ŭ krainie.

— Musić, u kursie, što mnohija suajčyńniki pazbaŭlajucca ad biełaruskaha rubla, skupajučy valutu. U čym vaša siamja zachoŭvaje źbieražeńni?

— [Paŭza] U nas niama niejkaha «składu». U nas darosłyja dzieci, unuki… Jany žyvuć asobna. My ŭdvaich. Vielmi doŭha žyli ŭ kredyt. Tak što nijakich źbieražeńniaŭ u nas niama.

— Ale vy, napeŭna, čuli prahnozy, jakija vaš muž robić z nahody našaj ekanamičnaj budučyni…

— [Paŭza] Ludziam, jakija ŭ jaho hetym cikaviacca, jon adkazvaje: «Ja vieru, što ŭsio budzie dobra».

Kamientary da artykuła