Andreja Pačobuta zatrymali na troje sutak
Prakuratura Haradzienskaj vobłaści 6 krasavika na troje sutak za parušeńnie padpiski ab niavyjeździe zatrymała karespandenta «Hazety Vyborčaj» u Biełarusi Andreja Pačobuta, jaki źjaŭlajecca padazvravanym pa spravie ab abrazie prezydenta.
Andrej Pačobut byŭ zatrymany ŭ sieradu ŭviečary na padstavie pastanovy śledčaha, pakolki, «znachodziačysia pad padpiskaj ab niavyjeździe, zajaviŭ ab svaim namiery vyjechać z horada», — paviedamiŭ «Interfaksu» pradstaŭnik abłasnoj prakuratury.
Pavodle jaho słoŭ, śledstva paličyła, što, pakinuŭšy miesca žycharstva, Pačobut budzie pieraškadžać praviadzieńniu śledčych dziejańniaŭ u ramkach zaviedzienaj u dačynieńni da jaho kryminalnaj spravy.
Raniej u prakuratury Haradzienskaj vobłaści kazali, što «kryminalnaja sprava jość, ale abvinavačvańnie nie pradjaŭlenaje, Pačobut znachodzicca ŭ statusie padazravanaha, miera strymańnia da jaho nie abirałasia».
Dziažurny izalataru časovaha ŭtrymańnia Kazłoŭski na pytańnie pra žurnalista Pačobuta adkazaŭ, što «takuju infarmacyju jany nie dajuć pa telefonie».
Izalatar, kudy dastavili Andreja Pačobuta ŭčora ŭviečary, znachodzicca ŭ Kastryčnickim rajadździele milicyi Horadni.
Žonka Pačobuta Aksana skazała, što Andrej chacieŭ 7 krasavika ŭziać udzieł u Miensku ŭ telemoście pradstaŭnictva Eŭrakamisii z delehacyjaj Eŭraparlamentu pa suviaziach ź Biełaruśsiu.
Andrej jon pradbačyŭ, što jaho mohuć zatrymać, kab pieraškodzić hetamu, tamu jon vyrašyŭ pajechać napiaredadni — 6 krasavika, ale byŭ zatrymany i ciapier znachodzicca ŭ Horadni ŭ izalatary.
Aksana Pačobut paviedamiła taksama, što ŭčora da ich uviečary — adrazu paśla pracoŭnaha dnia pryjšoŭ śledčy i vydaŭ
Kali žurnalist paźniej vyjechaŭ mašynaj z Horadni ŭ Miensk, jaho spynili i papiaredzili, kab jon viartaŭsia nazad, što jamu nielha pakidać horad. Potym Andreja Pačobuta zatrymali i dastavili milicejskaj mašynaj spačatku ŭ prakuraturu, zatym — u izalatar.