Na trasie M1/Je30 DAI, kab spynić pjanaha kiroŭcu, stralała pa mašynie

Na aŭtadarozie M1/Je30 Brest — Minsk — miaža Rasii supracoŭniki DAI dla taho, kab spynić pjanaha vadziciela, vymušany byli stralać pa mašynie.

Jak paviedamili ŭ adździaleńni infarmacyi i hramadskich suviaziaŭ UUS Minabłvykankama, viečaram 10 krasavika supracoŭniki abłasnoj Dziaržaŭtainśpiekcyi dahaniali aŭtamašynu «Ford Mandea», kiroŭca jakoj ihnaravaŭ ich patrabavańni ab spynieńni, stvarajučy pahrozu žyćciu i zdaroŭju ŭdzielnikaŭ darožnaha ruchu.

Inśpiektar darožna-patrulnaj słužby pryniaŭ rašeńnie vykarystać tabielnuju zbroju dla spynieńnia transpartnaha srodku. Byli zrobleny čatyry papieradžalnyja streły ŭ pavietra, na jakija parušalnik nie adreahavaŭ, i 10 strełaŭ pa kołach i ruchaviku. Atrymaŭšy miechaničnyja paškodžańni, aŭtamašyna spyniłasia blizu vioski Bykačana Smalavickaha rajona. Za rulom byŭ 49-hadovy minčanin u stanie ałkaholnaha apjanieńnia, indyvidualny pradprymalnik. Jak paźniej było ŭstanoŭlena ŭ vyniku miedycynskaha ahladu, u kryvi mužčyny było 2,04 pramile etyłavaha śpirtu.

U dačynieńni da pravaparušalnika składzieny pratakoły na padstavie č. 1 art. 18.16 (kiravańnie transpartnym srodkam asobaj, jakaja znachodzicca ŭ stanie apjanieńnia, pieradača kiravańnia transpartnym srodkam takoj asobie abo admova ad prachodžańnia pravierki (ahladu)) i č. 2 art. 18.21 (nievykanańnie patrabavańnia ab spynieńni transpartnaha srodku) Kodeksa ab administracyjnych pravaparušeńniach.

Kamientary da artykuła