Apazicyja budzie bajkatavać kožnyja vybary, pakul buduć palitviaźni
Pra heta havorycca ŭ zajavie Nacyjanalnaj kaardynacyjnaj rady demakratyčnaj apazycyi Biełarusi.
Pra heta havorycca ŭ zajavie «Ab umovach udziełu demakratyčnych siłaŭ Biełarusi ŭ vybarčych kampanijach». Jana pryniataja 11 krasavika Nacyjanalnaj kaardynacyjnaj radaj demakratyčnaj apazycyi Biełarusi.
Pradstaŭniki demakratyčnych siłaŭ Biełarusi kanstatujuć, što prezydenckija vybary 2010 hodu prajšli sa šmatlikimi parušeńniami i falsyfikacyjami, a ŭłada, «sfarmiravanaja ŭ vyniku tak zvanych vybaraŭ», nia maje lehitymnaści.
«Tatalnyja represii, pačatyja 19 śniežnia, niasuć pahrozu hramadztvu i samomu isnavańniu Biełarusi jak niezaležnaj dziaržavy. Isnujučy režym zahnaŭ siabie ŭ ekanamičny i hieapalityčny tupik, zrabiŭ zakładnikami svajoj biezadkaznaj palityki ŭsio hramadztva i krainu», — adznačajecca ŭ dakumencie.
Kaardynacyjnaja rada demsiłaŭ patrabuje, kab narodu Biełarusi było viernuta prava farmavać uładu ŭ svajoj krainie praz svabodnyja, demakratyčnyja i spraviadlivyja vybary.
«Heta stanie mahčymym tolki ŭ vypadku vyzvaleńnia ŭsich palityčnych źniavolenych, spynieńnia pieraśledu i represij, zabieśpiačeńnia kanstytucyjnych pravoŭ hramadzian na svabodu słova, schodaŭ i asacyjacyj, uniasieńnia istotnych źmienaŭ u zakanadaŭstva i praktyku praviadzieńnia vybaraŭ», — havorycca ŭ zajavie.
Pakul hetyja ŭmovy nia buduć vykananyja, demakratyčnaja apazycyja Biełarusi pakidaje za saboj prava pravodzić kampaniju bajkotu lubych vybarčych kampanij.