Partyja BNF zaklikaje siłavikoŭ zaścierahčysia ad vykarystańnia vybuchu jak padstavy dla novaha vitka palityčnych represijaŭ
Uprava Partyi BNF vykazvaje nadzvyčajnuju zakłapočanaść vybucham, jaki zdaryŭsia ŭviečary 11 krasavika ŭ Minskim mietrapalitenie. Partyja BNF patrabuje ad uładaŭ nieadkładnaha i abjektyŭnaha rasśledvańnia abstavinaŭ hetaha incydentu. Partyja BNF zaklikaje pravaachoŭnyja orhany Respubliki Biełaruś zaścierahčysia ad vykarystańnia hetaha incyndentu ŭ jakaści padstavy dla novaha vitka palityčnych represijaŭ, jak heta mieła miesca padčas rasśledvańnia vybuchu 3 lipienia 2008 hoda.
Partyja BNF zaŭsiody vystupała i vystupaje vyklučna za mirnyja mietady palityčnaj baraćby i suprać vykarystańnia hvałtu, zaklikajučy da taho i inšyja palityčnyja siły.
Uprava Partyi BNF vykazvaje ščyryja spačuvańni paciarpiełym i ich blizkim.