U Minsku da ČM pa chakieju - 2014 pabudujuć 22 hateli

U Minsku da čempijanatu śvietu pa chakieju, jaki projdzie ŭ 2014 hodzie, pabudujuć 22 hateli. Pra heta zajaviŭ staršynia Minskaha haradskoha Savieta deputataŭ Michaił Savanovič na pres-kanfierencyi, pryśviečanaj uklučeńniu haścinicy «Jeŭropa» ŭ mižnarodnuju sietku Warwick International Hotels.

Da čempijanatu śvietu pa chakieju ŭ Minsku źjavicca 5,5 tys. novych miesc raźmiaščeńnia. Haścinicy buduć budavacca praktyčna pa ŭsim horadzie: ad centra da mikrarajonaŭ, uklučajučy Čyžoŭku i Kamiennuju Horku. Pry hetym niekatoryja ateli, u tym liku «Biełaruś» i «Kastryčnickaja», buduć rekanstrujavany.

U centry horada ŭ asnoŭnym buduć uzvodzicca 4-5-zorkavyja hateli,

Ciapier u stalicy pad budaŭnictva haścinic adabrana 64 placoŭki, 8 ź jakich užo asvojvajucca, a na 7 budaŭničyja raboty pačnucca ŭ krasaviku-mai hetaha hoda. Na 26 placovak minskija ŭłady pakul nie znajšli inviestara, tady jak pa astatnich zaklučany inviestycyjnyja dahavory. Ahulnaja suma inviestycyj, jakaja budzie pryciahnuta ŭ haściničny siektar Minska, užo składaje Br4 trłn.

Na dumku Michaiła Savanoviča, Minsk z kožnym hodam pryhažeje. Asnoŭnaj prablemaj, jakaja pieraškadžaje pryciahnieńniu zamiežnych turystaŭ u biełaruskuju stalicu, źjaŭlajecca toje, što ab jaje turystyčnych mahčymaściach mała chto viedaje za miažoj. Dałučeńnie minskaj haścinicy ad mižnarodnaj sietki Warwick International Hotels daść joj mahčymaść stać bolš viadomaj u jeŭrapiejskich krainach. Pakul ža znajści infarmacyju pra Biełaruś, a taksama raźmieščanyja na jaje terytoryi haścinicy na zamiežnych internet-resursach davoli składana.

Hrupa Warwick International Hotels była ŭtvorana ŭ 1980 hodzie. Ciapier sietka ŭklučaje 48 hatelaŭ i kurortaŭ pa ŭsim śviecie sa štab-kvateraj u Paryžy. Va ŭłasnaści kampanii znachodzicca 17 atelaŭ, astatnija majuć nazvu Warwick pa dahavoru partniorstva

Kamientary da artykuła