Minskaja dziciačaja čyhunka adkryje novy siezon 30 krasavika
U hetym hodzie na dziciačaj čyhuncy buduć kursiravać dva ciahniki z šaści vahončykaŭ kožny. Maršrut ich ruchu zastaniecca raniejšym i budzie prachodzić sa stancyi «Zasłonava» praz stancyju «Pijanierskaja» da stancyi «Sasnovy Bor» i nazad. Akramia asnoŭnych pasłuh dziciačaja čyhunka budzie tradycyjna akazvać i dadatkovyja. Tut možna budzie zakazać śviatočny maršrut dla maleńkich imianińnikaŭ z muzyčnym supravadžeńniem, kazačnymi piersanažami i cackami. DČ pradoŭžyć vykonvać i maršruty dla maładych, jakija z hodu ŭ hod karystajucca ŭsio bolšaj papularnaściu ŭ minčan.
Pracavać na dziciačaj čyhuncy buduć junyja čyhunačniki. Jany buduć vykonvać abaviazki mašynistaŭ pojezda, načalnika stancyi, načalnika pojezda, dyśpietčaraŭ, dziažurnych pa stancyi i pradstaŭnikoŭ inšych prafiesij. Navučańnie maładyja čyhunačniki prachodziać u śpiecyjalnym centry ŭ Minsku. Tut školniki znajomiacca z rabotaj čyhunačnaha transpartu, vyvučajuć budovu i kanstrukcyi łakamatyvaŭ i vahonaŭ, čyhunačnych puciej, srodkaŭ sihnalizacyi i suviazi. Padarožžy pa dziciačaj čyhuncy dla ich — heta nie tolki zachaplajučyja pajezdki, ale i dałučeńnie da raboty na čyhunačnaj mahistrali.
U mai dziciačaja čyhunka budzie pracavać pa vychadnych i śviatočnych dniach, a letam — i pa budniach.
Pieršy pojezd pa Minskaj dziciačaj čyhuncy prajšoŭ 9 lipienia 1955 hoda. Dziciačaja čyhunka adroźnivajecca ad vialikaj tolki šyrynioj kalai, a va ŭsim astatnim jana ŭ minijaciury paŭtaraje ŭsio, što ŭłaściva Biełaruskaj čyhuncy. Praciahłaść trasy DČ — amal 5 km.