Chakiej. Biełaruski dzień u Kubku Stenli

Biełarusy adkryli lik svaim šajbam u sioletnim rozyhryšy Kubka Stenli.

Rusłan Salej dapamoh «Detrojtu» pieramahčy «Finiks» 4:2 (2:0, 1:1, 1:1); ciapier «Čyrvonyja kryły» viaduć u sieryi 3:0 i znachodziacca ŭ adnym kroku ad paŭfinału Zachodniaj kanfierencyi.

Salej zakinuŭ pieršuju šajbu ŭ matčy na 117-j siekundzie hulni.

Pieršuju šajbu ŭ hetym rozyhryšy plej-of zakinuŭ i Andrej Kaścicyn (Manreal), praŭda, «Kanadyjens» siońnia sastupili «Bostanu» 2:4 (0:2, 1:1, 1:1). Andrej zakinuŭ šajbu na 28-j chvilinie sustrečy, kali kvebekski kłub sastupaŭ 0:3. Praŭda, «Manreal» viadzie ŭ sieryi 2:1.

Biełarusy ŭ Kubku Stenli 2010/2011:

Siarhiej Kaścicyn (Nešvił) — 3 matčy, 3 (0+3) bały;

Rusłan Salej (Detrojt) — 3 matčy, 1 (1+0) bał;

Andrej Kaścicyn (Manreal) — 2 matčy, 1 (1+0) bał.

Kamientary da artykuła