U Biełarusi źnižajecca padatkovaja nahruzka na arhanizacyi kultury
U Biełarusi źnižajecca padatkovaja nahruzka na arhanizacyi kultury.Adpaviedny ŭkaz numar 145 «Ab niekatorych pytańniach padatkaabkładańnia ŭ śfierach kultury i infarmacyi» 14 krasavika padpisaŭ kiraŭnik dziaržavy Alaksandr Łukašenka.
Dakumientam ustalavanyja padatkovyja lhoty, jakija datyčać vyzvaleńnia ad PDV na terytoryi Respubliki Biełaruś šerahu napramkaŭ dziejnaści.
Naprykład, heta datyčyć realizacyi katałohaŭ (bukletaŭ), paštovak ź infarmacyjaj ab muziejach (vystaŭkach), majomasnych pravoŭ na abjekty aŭtarskaha prava i sumiežnych pravoŭ, rabot pa tyražavańni aŭdyjozapisaŭ arhanizacyjami kultury, a taksama Biełteleradyjokampanijaj, ZAT «Druhi nacyjanalny telekanał», ZAT «Staličnaje telebačańnie».
Ukazam taksama praduhledžanaje raspaŭsiudžańnie na arhanizacyi kultury, arhanizacyi, jakija zajmajucca vykanańniem rabot (pasłuhami) u śfiery kultury, usich formaŭ ułasnaści, a taksama telekampanii šerahu lhot, ustalavanych dla dziaržaŭnych arhanizacyj kultury.
Tak, vyzvalajucca ad PDV abaroty pa realizacyi na terytoryi Respubliki Biełaruś:
— pasłuh u śfiery kultury, rabot pa vytvorčaści, tyražavańni, restaŭracyi filmaŭ, stvareńni muziejnych katałohaŭ, vyrabu kopij ekspanataŭ i dakumientaŭ z fondaŭ muziejaŭ i biblijatek, a taksama šerahu inšych rabot i pasłuh;
— arhanizacyjami i indyvidualnymi pradprymalnikami — kulturnych kaštoŭnaściaŭ, rabot pa vytvorčaści filmaŭ, vyrabu kampjutarnaj hrafiki, pradmietaŭ, jakija vykarystoŭvajucca pry praviadzieńni
— zamiežnymi arhanizacyjami — rekłamnych pasłuh, majomasnych pravoŭ na abjekty aŭtarskaha prava i sumiežnych pravoŭ arhanizacyjam kultury, telekampanijam;
— nośbitaŭ ekzemplaraŭ filmaŭ, kulturnych kaštoŭnaściaŭ, što ŭvoziacca na terytoryju Respubliki Biełaruś arhanizacyjami kultury.
Na nazvanyja arhanizacyi taksama raspaŭsiudžvajecca vyzvaleńnie ad abkładańnia padatkam na prybytak arhanizacyj kultury, atrymanaha ad kulturnaj dziejnaści; vyzvaleńnie ad padatku na nieruchomuju majomaść budynkaŭ i zbudavańniaŭ, jakija naležać arhanizacyjam kultury abo pradstaŭlenych im u arendu, inšaje karystańnie; vyzvaleńnie ziamielnych učastkaŭ arhanizacyj kultury ad ziamielnaha padatku.
Akramia taho, stvarajucca dadatkovyja stymuły dla pryciahnieńnia ŭ śfieru kultury i infarmacyi značnych abjomaŭ sponsarskaj dapamohi.
Pryniaćcie ŭkaza daść mahčymaść źnizić padatkovuju nahruzku na arhanizacyi kultury i nakiravać vyzvalenyja srodki na zabiaśpiečańnie ich dziejnaści, sfarmavać sistemu padatkovych prefierencyj dla raźvićcia nacyjanalnaj kultury, stvaryć ekanamičnyja stymuły dla pryciahnieńnia dadatkovych pazabiudžetnych srodkaŭ, stvaryć roŭnyja ŭmovy haspadarańnia dla ŭsich arhanizacyj kultury, pavieličeńnia abjomaŭ i patańnieńnia pasłuh kultury dla nasielnictva. Dakumient taksama stanie stymułam dla dalejšaha raźvićcia teleradyjokampanij, dziaržaŭnych arhanizacyj, jakija zajmajucca vypuskam teleradyjopieradač, a taksama realizacyjaj sacyjalna značnych prajektaŭ u sietcy Internet.
Ukaz ustupaje ŭ siłu 1 lipienia 2011 hoda.