Hruzavik źbiŭ łasia. Žyviolina zahinuła

Na aŭtadarozie Minsk — Narač, kala pavarotu na viosku Hraničy (Maładziečanski rajon), u noč na 16 krasavika aŭtamabil źbiŭ łasia. Žyviolina zahinuła, vadziciel mašyny pajechaŭ ź miesca zdareńnia.

— Ni kiroŭcu, ni mašynu ŭstanavić nie ŭdałosia, — raskazaŭ inśpiektar darožna-pastavoj słužby maładziečanskaj dziaržaŭtainśpiekcyi Dźmitry Stasiulevič. — Možna mierkavać, heta byŭ hruzavy aŭtamabil. Mahčyma, fura. Pra toje, što adbyłosia mienavita darožna-transpartnaje zdareńnie, śviedčać znojdzienyja askołki far.

Pa słovach inśpiektara, pravierka pakazała: łoś pierabiahaŭ darohu. Hruzavik źbiŭ jaho, praciahnuŭ pierad saboj prykładna 20 mietraŭ, potym žyviolinu adkinuła ŭ kiuviet. Pa zaklučeńni vieterynaraŭ, jakija ahledzieli źbitaha łasia, heta była asobina ŭzrostam kala dvuch hadoŭ.

Kamientary da artykuła