Padrychtavany prajekt dziaržaŭnaj prahramy «Zamki Biełarusi»
Ab hetym paviedamiŭ namieśnik ministra kultury Biełarusi Viktar Kuraš 18 krasavika na pasiadžeńni kruhłaha stała ŭ Minsku.
Pavodle jaho słoŭ, daručeńnie ab stvareńni takoha dakumienta było atrymana ad kiraŭnika krainy padčas adkryćcia Mirskaha zamka ŭ śniežni 2010 hoda. «Niekali našu krainu nazyvali krainaj zamkaŭ: u Biełarusi naličvałasia 116 zamkaŭ,
a na siońnia zachavaŭsia 21»,— skazaŭ namieśnik ministra.
Jon adznačyŭ, što prahrama raźličana na 10 hod. «Praduhledžvajecca pravieści adpaviednyja raboty na hetych zamkach: tam, dzie mahčyma, — adnavić, dzie zastalisia tolki ruiny, — zakansiervavać, dzie zusim niama ničoha, — dobraŭparadkavać miaściny, pastavić znaki, kab ludzi viedali, što tam znachodziłasia, jakuju rolu toj ci inšy zamak adyhryvaŭ u historyi našaj krainy», — padkreśliŭ Kuraš.
Namieśnik ministra nahadaŭ, što ŭ liku nieadkładnych zadač — kansiervacyja Navahrudskaha zamka. «16 krasavika tam prajšła dabračynnaja akcyja, arhanizavanaja hazietaj «Kultura», — skazaŭ Kuraš. Pavodle jaho infarmacyi, sabrana bolš čym 101 młn. rubloŭ, srodki pojduć na raspracoŭku