Nacbank pašyraje kalidor devalvacyi, Rasija patrabuje jaho admieny
«Nacbank RB ličyć metazhodnym źmianieńnie miežaŭ dapuščalnych vahańniaŭ kursu rubla da + / - 12 adsotkaŭ».
Nacbank Biełarusi pašyraje z 12 maja kalidor źmianieńniaŭ kursu biełaruskaha rubla da košyka valut (dołar ZŠA, jeŭra, rasijski rubiel) da 12% z 8%, zaćvierdžanych asnoŭnymi kirunkami
«Nacbank RB ličyć metazhodnym źmianieńnie miežaŭ dapuščalnych vahańniaŭ kursu biełaruskaha rubla ŭ adnosinach da košyka valut z + / -8 da + / — 12 adsotkaŭ. Adpaviednaje rašeńnie praŭleńnia Nacyjanalnaha banka pryniata 5 maja 2011 hoda pa ŭzhadnieńni z orhanami dziaržkiravańnia», — paviedamili ŭ Nacbanku RB.
Dadzienaje rašeńnie rehulatara dazvolić źlohku źnizić aficyjny kurs rubla, adnak nie akaža asabliva ŭpłyvu na situacyju na valutnym rynku. Jak adznačyła krynica, blizkaja da Nacbanka, rašeńnie nosić chutčej taktyčny, čym stratehičny charaktar.
«Pa vialikim rachunku, varta naohuł admianić kalidor», — skazaŭ jana, padkreśliŭšy, što admiena kalidora źjaŭlajecca adnoj z umoŭ nadańnia Rasijaj kredytaŭ na sumu ŭ 3 młrd. dalaraŭ.
«Rašeńnie ab pašyreńni kalidoru zamiest jaho admieny značna ŭskładniaje pazicyju biełaruskaha boku na pieramovach u Minfinie RF», — paviedamiŭ surazmoŭca, daŭšy zrazumieć pry hetym, što admiena kalidora jak takoha znachodzicca
Poŭnaja admiena kalidoru, pa sutnaści, budzie aznačać aficyjnuju devalvacyju biełaruskaha rubla.