U subotu ŭ Minsku projdzie śviata astranomii
U Minsku 7 maja projdzie vialikaje śviata, prymierkavanaje da Mižnarodnaha dnia astranomii. Jaho arhanizatarami vystupajuć absiervatoryja BDU, Minski haradski płanietaryj i kłub amataraŭ astranomii«Aš-niu» .
Jak paviedamiŭ dyrektar absiervatoryi BDU Alhierd Kuźniečyk, meta śviata — abudzić cikavaść da astranomii ŭ šyrokaha koła hramadzian, dać im viedy pa najbolš aktualnych pytańniach hetaj haliny. Padčas śviata 7 maja z 17.00 da 22.00 u parku imia Horkaha buduć ustanoŭleny 20 teleskopaŭ roznaj mahutnaści. Usie žadajučyja zmohuć biaspłatna razhledzieć soniečnyja plamy, a paśla zachodu sonca — miesiacavyja kratery i hory, u ciemry — płanietu Saturn.
U budynku haradskoha płanietaryja buduć pracavać dźvie vystavy kaśmičnych zdymkaŭ. Aprača taho, z 17.30 da 20.00 tam buduć arhanizavany try
Jak zaznačyŭ Kuźniečyk, astranamičnaje śviata arhanizujecca ŭ Minsku ŭ treci raz. Letaś jano vyklikała vialikuju cikavaść u publiki: amatary astranomii nazirali za niabiesnymi ciełami da apoŭnačy.