Dyrektar MVF zatrymany za seksualnyja damahalnictvy

Dyrektar-rasparadčyk Mižnarodnaha valutnaha fondu (MVF) Daminik Stros-Kan byŭ aryštavany viečaram 14 maja ŭ Ńju-Jorku pa abvinavačvańni ŭ seksualnych damahańniach da pakajoŭki hatela.

Pa infarmacyi ahienctva, aryšt vysokapastaŭlenaha čynoŭnika adbyŭsia ŭ ńju-jorkskim aeraporcie JFK za ličanyja chviliny da ŭźlotu samalota, na jakim D.Stros-Kan płanavaŭ palacieć u Paryž. Samo złačynstva, u jakim padazrajuć čynoŭnika, adbyłosia raniej u hety ž dzień. U dadzieny momant abvinavačańnia jamu nie pradjaŭlenyja, jon dapytvajecca palicyjaj.

62-hadovy D.Stros-Kan kiruje MVF z 2007 h. Raniej zajmaŭ pasady ministra pramysłovaści i ministra ekanomiki, finansaŭ i industryi Francyi. Źjaŭlajecca členam Sacyjalistyčnaj partyi Francyi. Jaho ličać adnoj z mahčymych kandydatur sacyjalistaŭ na vybarach francuzskaha prezidenta ŭ 2012 hoda.

Heta nie pieršy «seksualny skandał» z udziełam D.Stros-Kana. U 2008 h. žurnalisty daviedalisia ab suviazi D.Stros-Kana z adnoj z supracoŭnic MVF, jakaja znachodziłasia ŭ jaho ŭ padnačaleńni. Kali hetaja supracoŭnica zvolniłasia z MVF, jana atrymała niezvyčajna ščodraje hrašovaje ŭznaharodžańnie. Paźniej D.Stros-Kan zajaviŭ, što škaduje ab svajoj suviazi, nazvaŭšy jaje «pamyłkaj».

Hetym razam 32-hadovaja pakajoŭka hatela na Tajms-skviery ŭ Ńju-Jorku śćviardžaje, što joj udałosia ŭciačy z pakoju Stros-Kana, jaki sprabavaŭ jaje zhvałcić.

Kamientary da artykuła