Dvoje biełaruskich alpinistaŭ prapali ŭ Himałajach

Dvoje vopytnych biełaruskich alpinistaŭ — Mikałaj Bandalet i Siarhiej Biełavus — prapali ŭ Himałajach.

Pavodle infarmacyi BiełaPAN, suviaź ź imi nie ŭdajecca ŭstanavić užo tydzień. Mikałaj i Siarhiej pakarali adnu z samych niedastupnych viaršyń śvietu — Tułahi (vyšynia — 7.029 mietraŭ, raźmieščana ŭ Niepale). Dahetul «uziać» jaje nie ŭdavałasia nivodnamu čałavieku. Naohuł u kamandzie było čaćviora — akramia Bandaleta i Biełavusa na niebiaśpiečnaje ŭzychodžańnie advažylisia Siarhiej Pračakoŭ i Juryj Suško. Usie jany ŭvachodziać u minski kłub «Chan-Tenhry», kiraŭnikom jakoha i źjaŭlajecca Mikałaj Bandalet. Adnak 3 maja Pračakoŭ i Suško admovilisia ad dalejšaha ŭzychodžańnia, 5 maja jany pakinuli Niepał.

Ciapier namahańni pa pošuku źnikłych suajčyńnikaŭ kaardynuje Taćciana, žonka Mikałaja Bandaleta. Niepalskija ratavalniki paviedamili jon, što 15 maja viertalot znoŭ vylataŭ da viaršyni. Na vyšyni 6.000 mietraŭ znojdziena pałatka z rečami, ad jaje — łancužok śladoŭ, jakija viaduć na hrebień. Alpinistaŭ pakul nie znajšli.

Kamientary da artykuła