Jeŭrasajuz zaklikaŭ ułady Biełarusi spynić raspravu nad apazicyjaj
Viarchoŭny pradstaŭnik Jeŭrasajuza pa zamiežnych spravach i palitycy biaśpieki Ketryn Eštan «rašuča asudžaje» palityčna matyvavany pryhavor, vyniesieny 14 majaeks-kandydatu ŭ prezidenty Biełarusi Andreju Sańnikavu.
U śpiecyjalnaj zajavie Eštan adznačaje, što «hłyboka zaniepakojena» surovymi pryhavorami apošnich dzion u dačynieńni da pradstaŭnikoŭ hramadzianskaj supolnaści i palityčnaj apazicyi Biełarusi.
«Ciapierašnija padziei nie pakidajuć sumnieńniaŭ u značnym paharšeńni situacyi z vykanańniem pravoŭ čałavieka i demakratyčnych pryncypaŭ u Biełarusi z tych por, jak na prezidenckich vybarach 19 śniežnia 2010 hoda byli parušany vybarčyja standarty. Mieli miesca palityčna matyvavanyja pieraśledy, aryšty, zatrymańni i sudovyja pracesy nad pradstaŭnikami demakratyčnaj apazicyi, hramadzianskaj supolnaści i niezaležnych ŚMI», — havorycca ŭ zajavie Eštan.
Viarchoŭny pradstaŭnik Jeŭrapiejskaha sajuza pa zamiežnych spravach i palitycy biaśpieki taksama surjozna zaniepakojena paviedamleńniami ab mierkavanych katavańniach i inšych vidach žorstkaha abychodžańnia z apanientami ŭładaŭ u Biełarusi.
Jana zaklikała biełaruskija ŭłady nieadkładna spynić raspravu nad palityčnaj apazicyjaj i hramadzianskaj supolnaściu, vyzvalić usich palitźniavolenych i spynić palityčna matyvavanyja sudovyja pracesy, u tym liku ŭ dačynieńni da astatnich
Eštan u čarhovy raz zajaviła ab hatoŭnaści Jeŭrasajuza razhledzieć «dalejšyja metanakiravanyja abmiežavalnyja miery va ŭsich halinach supracoŭnictva» z aficyjnym Minskam.
14 maja sud Partyzanskaha rajona Minska pryhavaryŭ kandydata ŭ prezidenty na vybarach 2010 hoda Andreja Sańnikava da piaci hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu za «arhanizacyju masavych biesparadkaŭ». Jašče čaćviora fihurantaŭ sudovaha pracesu atrymali ad 3 da 3,5 hoda pazbaŭleńnia voli za «ŭdzieł u masavych biesparadkach».