Vinavaty ŭ DTZ pradstaviŭsia Isusam Chrystom
31-hadovy mahiloviec zajaviŭ, što «spuściŭsia na ziamlu, kab dapamahać ludziam».
31-hadovy mahiloviec zajaviŭ, što «spuściŭsia na ziamlu, kab dapamahać ludziam».
Mahiloŭski "miesija" ŭrezaŭsia ŭ hruzavik na chutkaści 100 km/h i zastaŭsia žyvy.
29 maja ŭ 8.25 na aŭtadarozie Minsk—Mahiloŭ u pasiołku Białyničy 31-hadovy mahiloviec, kiroŭca Toyota Avensis niapravilna vybraŭ chutkaść, vyjechaŭ na pałasu sustrečnaha ruchu, dzie sutyknuŭsia z HAZ-53. U vyniku DTZ vadziciel "Tajoty" atrymaŭ traŭmy ŭ vyhladzie vyciatych irvanych ranaŭ tvaru, ruk i byŭ špitalizavany ŭ balnicu.
Karespandentu abw.by ŭdałosia daviedacca cikavyja padrabiaznaści hetaha zdareńnia. Inśpiektaraŭ DPS, jakija prybyli na miesca zdareńnia, kiroŭca ździviŭ, kali pradstaviŭsia. «Ja — Isus Chrystos», — skazaŭ jon i dadaŭ, što spuściŭsia na ziamlu, kab dapamahčy ludziam. Zrešty, padrabiaznaści zdareńnia ŭ pratakole jon napisaŭ davoli vyrazna. Maŭlaŭ, na lehkaviku "Tajota" ruchaŭsia z chutkaściu kala 100 km/h. Pry sustrečnym raźjeździe HAZ pryniaŭ laviej, a jon usio adno začapiŭ hruzavik, jaho raskrucicca i vykinuła na bardziurny kamień. Ale ŭ pratakole, u hrafach, dzie patrabujecca podpis, kiroŭca Toyota pastaviŭ «I.Ch.». Akramia pieraličanych vyšej traŭmaŭ, u jaho jašče zafiksavali pranikalnaje ranieńnie rahavicy levaha voka — paraniŭsia pabitym škłom. A siarod inšych dyjahnazaŭ značycca i šyzafrenija (pad pytańniem). Paśla zdareńnia kiroŭca byŭ dastaŭleny dla abśledavańnia ŭ specustanovu nakštałt minskich «Navinak». Vadzicielskaje paśviedčańnie jon atrymaŭ 4 hady tamu.