Šapira: na vytvorčaści bijadyzielu dziaržava niedaatrymała tryljon rubloŭ

Hubiernatar Hrodzienskaj vobłaści Siamion Šapira raskryŭ strašnuju tajamnicu. Akazvajecca, «miehaprajekt» pa vytvorčaści ŭ Biełarusi bijadyzielnaha paliva apynuŭsia… pražektam.

— Na moj pohlad, pakul kraina na bijadyzieli bolš straciła, čym znajšła, — cytujuć hubiernatara hrodzienskija ŚMI. — Dziaržava pastaŭlała dla vytvorčaści 95% salarki, astatniaje — 5% tłustych kisłot, jakija vyrablali na asnovie rapsavaha aleju. Kali padličyli, akazałasia, što dziaržava niedaatrymała 1 tryljon rubloŭ z-za taho, što cana była sfarmavanaja biez uliku akcyzu. Heta značyć, kamiercyjna heta vyjaviłasia nieefiektyŭnym i niavyhadnym.

Vytvorčaściu bijadyzielu ŭ vobłaści zajmałasia pradpryjemstva «Hrodnaazot», ciapier vytvorčaść prypyniena. «I treba surjozna padumać, ci varta praciahvać», — zaŭvažyŭ Siamion Šapira.

Kamientary da artykuła