«Kommiersant»: «Inter RAO JEES» ŭdvaja skaračaje ekspart elektraenierhii ŭ Biełaruś z-za daŭhoŭ
«Biełenierha» nie płacić za elektraenierhiju z sakavika, nazapašany abjom zapazyčanaści składaje amal 55 młn dalaraŭ.
Užo ŭ čaćvier «Inter RAT JEES» moža amal udvaja skaracić ekspart elektraenierhii ŭ Biełaruś z-za daŭhoŭ «Biełenierha», raspaviała haziecie «Kommiersant» krynica ŭ rasiejskim enierhachołdynha.
Kampanija ŭžo painfarmavała «Sistemnaha apieratara» ab źnižeńni pieratokaŭ z Rasiei ŭ Biełaruś na 200 MVt z 9 červienia. Heta amal udvaja pamienšyć abjomy ekspartu, jakija składali 400-500 MVt. Biełaruski bok taksama pastaŭleny ŭ viadomaść ab hetym abmiežavańni.
«Biełenierha» nie płacić za elektraenierhiju z sakavika, kaža krynica «Kommiersanta», baki niekalki razoŭ damaŭlalisia ab adterminoŭcy, nazapašany abjom zapazyčanaści składaje amal 55 młn dalaraŭ. Abmiežavańni pieratokaŭ buduć dziejničać da 19 červienia, zatym pastaŭki elektraenierhii ŭ Biełaruś mohuć być całkam spynienyja, kali «Biełenierha» nie pačnie pahašać doŭh.
Heta nie pieršy kanflikt pamiž «Inter RAT» i Biełaruśsiu, źviazany z ekspartam elektraenierhii. U 2010 hodzie baki nie zmahli ŭzhadnić canu tranzitnych pastavak u Prybałtyku (u Minsku nastojvali na rezkim pavieličeńni vypłat za tranzit).
Paśla hetaha Minsk abviaściŭ, što zakryvaje na ramont asnoŭnuju ŁEP 750 kVt, jakaja złučaje enierhasistemy dźviuch krain, paśla čaho ekspart u Biełaruś spyniŭsia. Adnavić pastaŭki atrymałasia tolki ŭ lutym 2011 hoda, kali biełaruski bok uzhadniŭ z Maskvoj usie sprečnyja pytańni ŭ elektraenierhietycy.
Nazapašvańnie zapazyčanaści adbyvałasia na fonie valutnaha kryzisu i devalvacyi biełaruskaha rubla na 56%.