Pad vyhladam praviadzieńnia ramontu skrali vannu
U Zavodskaje RUUS źviarnułasia28-hadovaja minčanka, zajaviŭšy, što ź jaje kvatery na Partyzanskim praśpiekcie skrali vannu.
Złamyśniki skarystalisia niezačynienymi dźviaryma i adsutnaściu haspadyni. Pranikšy ŭ kvateru, jany z šumam i hrukatam prynialisia demantavać vannu.
Na pytańni susiedziaŭ adkazvali ŭpeŭniena i prosta: u kvatery pačynajecca ramont. Adna z susiedak «ramontnikam» navat u dapamohu dała kuvałdu.
Demantaž vanny zaniaŭ niekalki hadzin: doŭha pravałendalisia z trubami. Zatym vannu źnieśli z čaćviortaha pavierchu, paśla čaho naŭprost nakiravalisia ŭ bližejšy punkt pryjomu mietałałomu. Atrymanyja sorak tysiač rubloŭ adrazu prapili.
Zaraz raniej nieadnarazova sudzimyja za majomasnyja złačynstvy padazravanyja dajuć pakazańni ŭ milicyi. Raspačata kryminalnaja sprava, im pahražaje da 4 hadoŭ pazbaŭleńnia voli.