Začynili halereju ŭ «Falvarku Dobryja Myśli»
7 červienia kuratary kulturnych prajektaŭ u «Falvarku Dobryja Myśli» Taciana Haranskaja i Viktar Markaviec zabrali mastackija tvory, knihi, arhtechničnyja pryłady i raźvitalisia ź miescam svajoj dziesiacihadovaj pracy. Ad hetaha dnia ŭ stalicy krainy pamienieła jašče na adnu niezaležnuju tvorčuju placoŭku.
Padziei apošnich dzion vakoł «Falvarka Dobryja Myśli», što na vulicy Mahiloŭskaj, 12, pradkazvali taki finał. 31 traŭnia z pryčyny zabarony tam nie ŭdałosia zładzić prezientacyju novaj knihi Uładzimira Mackieviča «Nie dumajcie pra ryžaha i ślapoha kačkanosa». A 1 červienia zabaranili adkryćcio paśmiarotnaj vystavy Michasia Rahaleviča.
Raskazvaje kuratarka vystavaŭ u «Dobrych Myślach» Taciana Haranskaja:
«Mnie rastłumačyli ŭłaśniki «Falvarka», što za paŭhadziny da adkryćcia vystavy im byŭ zvanok z harvykankama ad zahadčyka adździeła ideałohii. Padrabiaznaściaŭ mnie nie tłumačyli, skazali: «Biez kamientaroŭ!»
Ekspazicyju vystavy arhanizatary sa ścienaŭ, adnak, nie zdymali, spadziejučysia, što haspadary «Falvarka» spravu niejak załahodziać. 6 červienia ichnyja nadziei byli kančatkova abarvanyja.
«Ja pazvaniła ŭčora, i mnie skazali kančatkova, što halerei nie budzie».
Siońnia kuratary demantavali tak i nie adkrytuju vystavu Michasia Rahaleviča, zabrali sa schovaŭ tvory inšych mastakoŭ, knihi i ŭsie astatnija rečy, jakija sabralisia ŭ halerei za dziesiać hadoŭ jaje pracy. Kuratarka halerei Taciana Haranskaja padsumoŭvaje zroblenaje:
«My zrabili bolš za trysta vystavaŭ. Tvory pryvozili ad mastaka i advozili, rabili katałohi, i ŭsio heta było dabračynna. I heta była na praciahu dziesiaci hadoŭ adzinaja biełaruskamoŭnaja pryvatnaja halereja. Padniali ŭnikalnuju prahramu — mastactva Zachodniaj Biełarusi. I nie tolki ŭ miežach hetaj halerei, a pa ŭsioj Biełarusi pravieźli hetyja vystavy i dabilisia taho, što ekspanavali nieviadomych mastakoŭ, karciny jakich potym nabyvali Nacyjanalny mastacki i inšyja muziei. I jašče adna vielmi važnaja prahrama była — mastactva malavanaha dyvana. Heta
Aprača vystavaŭ u halerei pravodzilisia prezientacyi novych knih, adbyvalisia tvorčyja sustrečy, litaraturnyja festy.