Ładućka: cyharet u stalicy dastatkova

U Minsku zapasaŭ cyharet chopić dla bieśpierabojnaha handlu na praciahu 37 dzion.

U Minsku zapasaŭ cyharet chopić dla bieśpierabojnaha handlu na praciahu 37 dzion, paviedamiŭ staršynia Minharvykankama Mikałaj Ładućka siońnia na pres-kanfierencyi ŭ haradskoj ratušy.

Pavodle jaho słovaŭ, niadaŭniaje pavyšeńnie cen na tytuniovyja vyraby pradyktavana nieabchodnaściu ich vyraŭnoŭvańnia z rasijskimi i praduchileńnia vyvazu za miežy krainy.

«U nas cyharety ŭ 2,5 razu tańniejšyja, čym u Rasii. Tamu «Tytuń-Inviest» tak volna hetyja cyharety ŭ roźnicu nie davaŭ. Byli vypadki vyvazu cyharet, prosta nie zatrymali. Z hetaha sprabavali rabić nievialiki biznes», — rastłumačyŭ Mikałaj Ładućka.

Cyharet u stalicy dastatkova, zapeŭniŭ staršynia Minharvykankama.

«U siarednim u stalicy pradajecca 8 młn štuk cyharet u dzień. U dni pavyšanaha popytu pradavałasia 20 młn štuk u dzień. Heta praciahvałasia 4–5 dzion. Siońnia na bazach 200 młn štuk cyharet, u handli — 80 młn. štuk cyharet. Heta značyć cyharetami možna handlavać 37 dzion», — skazaŭ Mikałaj Ładućka.

Kamientary da artykuła