U Biełarusi stali mieniej kraści
U Biełarusi na praciahu piaci hadoŭ źnižajecca kolkaść kradziažoŭ, paviedamiŭ napres-kanfierencyi 9 červienia načalnik upraŭleńnia prafiłaktyki MUS Raman Mielnik.
Za 5 miesiacaŭ 2011 hoda ŭ krainie zarehistravana 24,2 tysiačy kradziažoŭ majomaści, što na 20,7% mienš, čym za anałahičny pieryjad 2010 hoda. Ź ich bolš za 6 tysiač heta kradziažy z kvater i pryvatnych damoŭ, bolš za 1,1 tysiačy — z sadovych domikaŭ i leciščaŭ, skazaŭ Mielnik.
Padazronyja ŭstanoŭleny amal u 70% vypadkaŭ.
Amal 52% kradziažoŭ z kvater i 59% kradziažoŭ ź leciščaŭ učyniena asobami, jakija nie pracujuć i nie vučacca. 36,8% (47,5%) mieli sudzimaść, 3,7% (2,7%) kradziažoŭ učynili padletki.
Bolš za 40% usich kradziažoŭ majomaści było ŭčyniena ŭ sielskaj miascovaści.