Źmicier Daškievič budzie adbyvać termin tam, dzie vučylisia Łukašenka i Kastusioŭ
Pra heta «Narodnaj Voli» paviedamiła namieśnica niezarehistravanaha ŭ Biełarusi «Maładoha fronta» Nasta Pałažanka.
«Kali ja pryniesła pieradaču dla Dzimy ŭ SIZA na Vaładarskaha, to daviedałasia, što ź Minska jaho pieraviali ŭ Žodzina». — skazała Nasta. — Chacia jašče napiaredadni jaho na Vaładarskaha naviedała advakat Marjana Siamieška. Z čym źviazany pieravod Dzimy ź Minska ŭ Žodzina — nieviadoma. Apošni list ad Dzimy, jaki ja atrymała, byŭ datavany 6 červienia. Jon piša, što trymajecca mužna, ni na što nie skardzicca. U liście ni słovam jon nie abmoviŭsia ab mahčymym pieravodzie ŭ Žodzina. Dziŭna, što jaho vyvieźli ŭ Žodzina nočču, nikoha, ni blizkich, ni advakata nie papiaredziŭšy…».
Pa słovach Nasty Pałažanki ŭžo viadoma, dzie Daškievič budzie adbyvać pakarańnie. «Paśla taho, jak budzie razhledžana kasacyjnaja skarha na rašeńnie suda Dzimu adpraviać u kałoniju, što ŭ Horkach».
Nahadajem, Źmicier Daškievič pryznany vinavatym u chulihanstvie [incydent adbyŭsia napiaredadni prezidencich vybaraŭ, 18 śniežnia] i pryhavorany da 2 hadoŭ pazbaŭleńnia voli.