Biełaruś ažyćciavić dadatkovuju padpisku na akcyi JEBRR na 18 młn. jeŭra
Biełaruś ažyćciavić dadatkovuju padpisku na akcyi Jeŭrapiejskaha banka rekanstrukcyi i raźvićcia (JEBRR). Heta praduhledžana pastanovaj Savieta ministraŭ №719 ad 6 červienia 2011 hoda, paviedamiła pres-słužba ŭrada.
Urad zhadziŭsia z prapanovaj Ministerstva ekanomiki, uzhodnienaj ź ministerstvami zamiežnych spraŭ, finansaŭ i justycyi, ab ažyćciaŭleńni Biełaruśsiu dadatkovaj padpiski na 1.800 akcyj naminalnym koštam 10 tys. jeŭra kožnaja na ahulnuju sumu 18 młn. jeŭra, jakija składajuć harantyjnuju častku kapitału JEBRR i padlahajuć apłacie pa zapatrabavańni.
Ministerstvu ekanomiki daručana aformić i nakiravać u JEBRR dakumienty, nieabchodnyja dla ažyćciaŭleńnia padpiski.
U adpaviednaści z rašeńniem Savieta kiraŭnikoŭ JEBRR ad 14 maja 2010 hoda № 126, Biełarusi raniej byli vydzielenyja 202 akcyi naminalnym koštam 10 tys. jeŭra kožnaja na ahulnuju sumu 2,02 młn. jeŭra, jakija apłačany JEBRR za košt atrymanaha prybytku i nieźviazanych ahulnych reziervaŭ.