Viačasłavu Kiebiču — 75 hadoŭ

10.06.2011 / 10:57

Nashaniva.com

Pieršamu premjeru niezaležnaj Biełarusi.

Pieršamu prem'jer-ministru niezaležnaj Biełarusi Viačasłavu Francaviču Kiebiču siońnia, 10 červienia, spoŭniłasia 75 hadoŭ.

Fota kp.by

Jon pryjšoŭ na śviet u 1936 h. u vioscy Kaniušaŭščyna Navahradskaha vajavodstva (ciapier Vałožynski rajon Minskaj vobłaści).

Słužyŭ u HRU. Skončyŭ Biełaruski palitechničny instytut, pracavaŭ inžynieram-technołaham, staršym inžynieram-technołaham, zatym dyrektara minskaha stankabudaŭničaha zavoda imia Kirava, u 1980–1985 — druhi sakratar Minskaha CK KPB, zahadčyk adździeła CK KPB, druhi sakratar Minskaha CK KPB. U 1985–1990 — namieśnik Staršyni Savieta Ministraŭ BSSR — Staršynia Dziaržpłana BSSR, u 1990–1994 — Staršynia Savieta Ministraŭ BSSR, prem'jer-ministr Biełarusi.

Udzielničaŭ u prezidenckich vybarach 1994 hoda, prajhraŭ Alaksandru Łukašenku. Paśla vybaraŭ uznačaliŭ Biełaruski handlova-finansavy sajuz.

U intervju Kamsamołcy V. Kiebič zajaviŭ: «[Što było samym ciažkim ŭ tyja časy?] Štodzionnaja krytyka. Ja razvaliŭ krainu, ja vinavaty za ŭsio…

Było maralna ciažka. Mianie, čałavieka, jaki chacieŭ i rabiŭ usio, kab było lepš, vinavacili, što zrabiŭ tolki horš. Ale ja hanarusia, što ŭsio ž taki ŭratavaŭ Biełaruś. Kali b my nie ŭtrymali ŭładu, usio skončyłasia b katastrofaj. Až da hvałtu, bo kazali, što kamunisty buduć visieć na słupach.

Razumiejecie, Rasija ŭsio roŭna b nas nie adpuściła.

I było b źbiadnieńnie naroda, razvał ekanomiki, spynieńnie pramysłovaści».

Vyhladaje na toje, kab ŭ 1994 h. administracyjny resurs spracavaŭ, i Kiebiča abrali prźzidentam, historyja b našaj krainy była b zusim inšaj.

Čytajcie taksama:

Kamientary da artykuła