Konkurs Miłaša: časta zadavanyja pytańni

Praciahvajecca pryjom tvoraŭ na konkurs maładych litarataraŭ, pryśviečany stahodździu Česłava Miłaša.

Sioleta konkurs vyklikaŭ vialikuju cikavaść u maładych aŭtaraŭ, i tamu arhkamitet vyrašyŭ adkazać na pytańni, jakija najčaściej zadajuć patencyjnyja ŭdzielniki konkursu.

Kolki tvoraŭ moža dasłać adzin udzielnik?

Farmalna kolkaść tvoraŭ ad adnaho aŭtara nie abmiežavanaja. Ale žury fizična nie zmoža pračytać i asensavać vialikija abjomy prozy ad adnaho aŭtara. Roznyja siabry žury pa-roznamu aceńvajuć takija «abjomy»: adny ŭ stanie pračytać 50 staronak «vordu», inšyja miarkujuć, što dastatkova dziesiaci staronak.

Tamu rekamiendujem dbać nie pra kolkaść, a pra jakaść: lepiej dasłać najlepšaje z taho, što vy napisali. Kali vašyja tvory spadabajucca, u vas paprosiać dasłać jašče. A voś słabiejšy tvor moža sapsavać uražańnie ad sapraŭdy cikavaj rečy i ŭ vyniku «patapić» vaš vychad u finał.

Karotkaja proza — heta jaki abmiežavany abjom tekstu? Ci jość niejkija patrabavańni da hetaha raździeła?

Karotkaja proza — heta takaja hrupa žanraŭ:). Apaviadańnie, navieła, liryčnaja minijaciura, impresija… Časam sa skrypam siudy možna dałučyć nievialičkuju apovieść (da 20 staronak). A voś vialikija apovieści i epičnyja ramany pakidajem za saboj prava nie čytać. Kali ž vy — pryrodžany ramanist, rekamiendujem abrać dla konkursu zavieršany ŭryvak, jaki vas najvyhadniej prezientuje.

A možno na russkom?

Na jakoj movie treba dasyłać tvory — na našaj ci na polskaj?

Na konkurs my prymajem tvory na abiedźviuch dziaržaŭnych movach Respubliki Biełaruś. Ale farmalna moŭnaha abmiežavańnia ŭ konkursach PEN-centra nie isnuje: prymajem pracy na tych movach, jakija ŭ stanie pračytać. Heta, pa našych padlikach, kala 20 movaŭ. Ale, naprykład, anhłamoŭnym tvorcam-biełarusam varta pamiatać, što im daviadziecca kankuravać nie mižsobku, a z anhłamoŭnaj litaraturnaj tradycyjaj — sučasnymi aŭtarami Brytanii, ZŠA i h. d.

Z pavahi da multykulturnych pohladaŭ Česłava Miłaša łaskava zaprašajem da ŭdziełu aŭtaraŭ, jakija, žyvučy ŭ Biełarusi, pišuć pa-polsku, pa-ŭkrainsku, pa-litoŭsku, na idyš ci iŭrycie, a taksama na dyjalektach biełaruskaj movy.

Ci jość abmiežavańni ŭ temach? Nieužieli pro Polšu, polakov i sobstvienno jubilara?

Abmiežavańnia ŭ temach tvoraŭ niama nijakaha. Nieparazumieńni paŭstajuć, vidać, ź imieni «litaraturnaha patrona» našaha konkursu-2011.

Biełaruski PEN-Centr (jak filija Mižnarodnaha PEN-kłuba) ładzić konkursy dla maładych litarataraŭ z 2003 hodu. Kožny konkurs pryśviečany asobie z kłasikaŭ litaratury — jak našaj, tak i suśvietnaj. Naprykład, u roznyja hady my pravodzili konkursy imieni Natalli Arsieńnievaj, Łarysy Hienijuš, Uładzimira Karatkieviča i… Frančeska Pietrarki.

U 2011 hodzie u śviecie adznačajuć jubilej nobieleŭskaha łaŭreata Česłava Miłaša — «hramadzianina śvietu», jaki, treba skazać, naradziŭsia nie na terytoryi sučasnaj Polščy, a na Vilenščynie, i ładnuju častku žyćcia pražyŭ u Francyi i ZŠA. Hod Miłaša šyroka śviatkujecca ŭ Biełarusi. Našych finalistaŭ u miežach adukacyjnaj prahramy pa vynikach konkursu my budziem znajomić ź jaho asobaj i tvorčaściu. Darečy, adbyvacca ŭsio heta budzie nie tolki ŭ Minsku.

Nahadvajem, što na konkurs prymajucca mastackija pierakłady. Asabliva budziem radyja pabačyć listy ad maładych pierakładčykaŭ polskamoŭnaj paezii i ŭ pryvatnaści Česłava Miłaša!

Jakuju infarmacyju treba pakidać pra siabie?

Jakuju zaŭhodna — žury ŭsio adno jaje nie pračytaje. Tvory pieradajucca na razhlad sudździaŭ u zašyfravanym vyhladzie. Važna, kab u vašaj zajaŭcy (składzienaj u advolnaj formie), byŭ paznačany vaš uzrost, numar kantaktnaha telefona i aktualny adras elektronnaj pošty.

Jašče raz pra ŭmovy konkursu

Zaprašajem da ŭdziełu tvorcaŭ ad 15 da 26 hadoŭ (tyja, kamu 19 traŭnia jašče nie spoŭniłasia 27). Da razhladu žury prymajucca vieršy, karotkaja proza, eseistyka, mastackija pierakłady.

Dedłajn (pavodle daty na paštovym štempieli abo daty adpraŭki elektronnaha lista) — 20 červienia 2011.

Vyniki buduć abvieščanyja 30 červienia, u dzień narodzinaŭ Česłava Miłaša.

Majstar-kłasy dla finalistaŭ konkursu projduć u pieršaj pałovie žniŭnia.

Tvory možna dasyłać na adras: e-mail: penkonkurs@gmail.com.

Paštovy adras: 220050, a/s 218, Minsk, RHA «Biełaruski PEN-centr».

Daviedki praz elektronnuju poštu ci telefon: (017) 284-73-29.

Kamientary da artykuła