«Kupim svabodu dla biełarusaŭ za 8 miljardaŭ dalaraŭ»
Da hetaha ŭ siońniašnim numary zaklikaje namieśnik hałoŭnaha redaktara papularnaj polskaj haziety «Dziennik. Gazeta prawna» Andžej Tałaha.
Da hetaha ŭ siońniašnim numary zaklikaje namieśnik hałoŭnaha redaktara papularnaj polskaj haziety «Dziennik. Gazeta prawna» Andžej Tałaha.
Minsk prosić dapamohi ŭ Mižnarodnaha valutnaha fondu.
«My možam pastavić režymu Łukašenki nie takija surovyja ŭmovy, jak Maskva, ale takija, jakija pryviaduć da demakratyzacyi krainy. My možam kupić reformy»— prapanuje polski publicyst.
Pasiŭnaje čakańnie, pakul režym abryniecca pad ciažaram ekanamičnych prablem — moža i pryciahalnaja, ale nie vielmi mudraja stratehija. Polšča sama addaje bufier, jaki adździałaje jaje ad Rasii, ličyć Andžej Tałaha.
Jon upeŭnieny, što Mižnarodny valutny fond moža zapatrabavać ad Łukašenki ekanamičnych reformaŭ, jakija pryviaduć da reformaŭ palityčnych. Havorka idzie pra prazrystuju pryvatyzacyju, ŭ jakoj uziali b udzieł firmy i banki ź Jeŭrasajuza, pra źmieny ŭ zakonach, jakija datyčać funkcyjanavańnia firm.
Kredyt MVF zaležyć ad pazicyi ES i ZŠA, i jany mohuć uviazać vydaču hrošaj z vyzvaleńniem usich palityčnych źniavolenych. «Uparty i žorstki Łukašenka patrabuje kredytaŭ, tamu hetym razam jon moža sastupić i libieralizavać režym», — ličyć polski publicyst.