Minpryrody prahnazuje dobry ŭradžaj čarnic na Paleśsi i siaredni na Minščynie, a voś z hrybami ...
Ministerstva pryrodnych resursaŭ i achovy navakolnaha asiarodździa padrychtavała prahnoz uradžaju jahad i hryboŭ u hetym siezonie.
Jak paviedamlaje aficyjny sajt viedamstva, prahnoz uradžaju jahad padrychtavany pa vynikach daśledavańniaŭ, praviedzienych śpiecyjalistami ŭ sakaviku—červieni. Zhodna ź im, dobry ŭradžaj čarnic čakajecca ŭ Bresckaj, Viciebskaj, Homielskaj i Hrodzienskaj abłaściach. U Minskaj i Mahiloŭskaj abłaściach uradžaj čarnic budzie siarednim. Siarednim taksama prahnazujecca ŭradžaj durnic va ŭsich abłaściach krainy, žuravin — u Bresckaj, Viciebskaj, Homielskaj i Hrodzienskaj abłaściach. U Minskaj i Mahiloŭskaj abłaściach uradžaj žuravin čakajecca nižej za siaredni. Siaredni ŭradžaj bruśnic čakajecca ŭ centralnaj i paŭnočnaj častkach krainy, nizki — u paŭdniovaj i zachodniaj.
Jak adznačajuć u Minpryrody, kali haračaje nadvorje pratrymajecca doŭhi čas, "moža adbycca adpadzieńnie hienieratyŭnych orhanaŭ bruśnic i žuravin".
Taksama śpiecyjalisty na padstavie ŭradžajaŭ minułych hadoŭ i mietearałahičnych umoŭ minułaha i hetaha hadoŭ zrabili prahnoz na ŭradžaj hryboŭ. Nizki ŭradžaj hryboŭ čakajecca ŭ Bresckaj i Homielskaj abłaściach, u astatnich abłaściach jon prahnazujecca siarednim. U vypadku daždžlivaha nadvorja ŭ žniŭni ŭradžaj usich vidaŭ hryboŭ moža być vyšejšy za prahnozny.
U 2010 hodzie ŭ cełym na terytoryi Biełarusi było narychtavana amal 10,5 tys. ton jahad, ź ich bolš za 8 tys. ton čarnic, 1,8 tys. ton žuravin, 99 ton bruśnic i 58 ton bujakoŭ. Taksama było narychtavana bolš za 6,85 tys. ton hryboŭ, u tym liku amal 5,73 tys. ton lisičak, 481,8 ton biełych, 563,5 ton hryboŭ inšych vidaŭ.