Zarobki biudžetnikam pavialičanyja na vośmuju častku taho, što źjeła devalvacyja
Zarobki vyrastuć prykładna na 7%.
Ułady Biełarusi indeksavali zarpłaty biudžetnikaŭ na 26,6%. Adnak... nie ŭsiu zarpłatu, a tolki jaje častku ŭ miežach 343,26 tysiačy biełaruskich rubloŭ. Heta aznačaje, što realny rost zarpłaty składzie ŭsiaho kala 7%.
Heta adbyłosia nasupierak prapanovam niekatorych ekśpiertaŭ pra poŭnaje zamarožvańnie zarobkaŭ.
U Minpracy i sacyjalnaj abarony krainy rastłumačyli, što dachody biudžetnikaŭ buduć praindeksavanyja, bo rost cenaŭ za maj pieravysiŭ 5% da miesiaca ich papiaredniaj indeksacyi ŭ krasaviku 2011 hoda. Praindeksavana budzie tolki častka zarpłaty ŭ miežach 343,26 tysiačy biełaruskich rubloŭ (1 dołar — 4988 rubloŭ). Miesiačnaja minimalnaja zarabotnaja płata za maj 2011 hoda budzie praindeksavana i pavialičycca na 23,7% da 541,35 tysiačy rubloŭ.
Takim čynam, zarobki tych, chto zarablaje najmienš, vyrastuć u bolšaj stupieni čym tych, chto maje bolšy dachod.