Supracoŭnikam aeraporta «Minsk» daviałosia pierakvalifikavacca ŭ akušeraŭ
Supracoŭnikam Nacyjanalnaha aeraporta «Minsk» upieršyniu daviałosia pierakvalifikavacca ŭ akušeraŭ. Siońnia ŭ 18.35 hramadzianka Hruzii prosta ŭ aeraporcie naradziła dziaŭčynku.Pra heta karespandentu BIEŁTA paviedamili ŭ Nacyjanalnym aeraporcie «Minsk».
Tam raskazali, što žančyna razam sa svaimi čatyrma inšymi dziećmi płanavała vylecieć rejsam ŭ Tbilisi. Adnak ščaślivaja padzieja, jakaja adbyłosia ŭ miedpunkcie aeraporta, prymusiła jaje zatrymacca ŭ Biełarusi.
Ciapier jana dastaŭlenaja ŭ treciuju haradskuju balnicu. Pa słovach daktaroŭ, rody prajšli paśpiachova.
U aeraporcie asabliva adznačyli, što taki vypadak u ich praktycy adbyŭsia ŭpieršyniu.