Hienprakuror u ZŠA patrabuje sustrečy z pradstaŭnikami Facebook praz novuju funkcyju raspaznańnia tvaraŭ
Hienprakuror štata Kaniektykut Džordž Džepsen nakiravaŭ list kiraŭnictvu Facebook, u jakim zapatrabavaŭ sustrečy z pradstaŭnikami sacsietki dla abmierkavańnia pytańnia ab novaj funkcyi raspaznańnia tvaraŭ,paviedamlaje Reuters.
U liście havorycca, što sacyjalnaja sietka, «mabyć, pačała zabyvać ab niedatykalnaści pryvatnaha žyćcia».
«Vykarystańnie funkcyi vyklikaje aściarohi», — adznačaje hienprakuror.
Raniej z krytykaj u adras kiraŭnictva sacsietki vystupiŭ Jeŭrasajuz.
Taksama na minułym tydni niekalki pryvatnych arhanizacyj źviarnulisia ŭ Fiederalnuju handlovuju kamisiju ZŠA z prośbaj pravieści rasśledavańnie.
Prahramnaje zabieśpiačeńnie raspaznaje tvary ludziej na fotazdymkach, zahružanych u sacyjalnuju sietku, i dazvalaje rabić na ich paznaki.
Ciapier karystalniki mohuć tolki adzin raz adznačyć siabra na fatahrafii, paśla čaho jaho źjaŭleńnie na inšych fota budzie aŭtamatyčna raspaznavacca i adznačacca.Prahrama vykarystoŭvaje hetyja paznaki nie pytajučysia aŭtara staronki, i paznačanyja fatahrafii robiacca dastupnymi dla ŭsich, navat kali jany byli raźmieščanyja ŭ zakrytym farmacie.