Na čužym bampiery. Biełaruś prajhrała Šviejcaryi 0:3, ale vyjšła ŭ paŭfinał

I navat moža trapić na Alimpijadu.

Hulnia ŭ Orchusie ŭ miežach moładzievaha Čempijanatu Jeŭropy — 2011 skončyłasia dla našaj kamandy parazaj z «suchim» likam.

Biełarusy dajhravali matč udziesiaciaroch. Byŭ vydaleny z pola Siarhiej Maćviejčyk.

Šviejcarcy zabili pieršy hoł na šostaj chvilinie hulni, druhi — na 43-j chvilinie pieršaha tajma i treci — na samaj apošniaj chvilinie dadatkovaha času. Zrešty, na apošni prapuščany hoł mała chto ŭ biełaruskaj kamandzie zvažaŭ. Pa reakcyi treniera futbalisty zrazumieli, što vychad u paŭfinał — u ich u kišeni.

Reč u tym, što paralelna, u toj samy čas, adbyvaŭsia matč dźviuch inšych kamandaŭ našaj hrupy. I Danija prajhrała Isłandyi 3:1. Ciapier

ahulny zalik vyhladaje nastupnym čynam: Šviejcaryja — 9 bałaŭ, Biełaruś, Danija i Isłandyja — pa 3 bały. Ale pa dadatkovych pakaźnikach naša kamanda traplaje na druhoje miesca ŭ hrupie i vychodzić u paŭfinał čempijanata.

kali zaŭtra Anhlija pieramoža Čechiju, biełaruskaja zbornaja ŭpieršyniu ŭ historyju trapić na Alimpijadu.

U vypadku ž pieramohi čechaŭ biełarusam nieabchodna budzie pieramahać abo ŭ paŭfinale, abo ŭ matčy za treciaje miesca, kab atrymać pucioŭku ŭ Łondan.

Kamientary da artykuła