U Minsku vulicu Uljanaŭskuju pierajmienavali ŭ Bykava. Pakul simvalična
videa
19 červienia — dzień naradžeńnia Vasila Bykava.
Akcyju simvaličnaha pierajmienavańnia praviali aktyvisty kampanii «Havary praŭdu».Pobač ź ciapierašnimi šyldami jany nalapili alternatyŭnyja. Z Uljanaŭskaj jany pryjechali na Uschodnija mohiłki, pryvieźli na mahiłu Narodnaha piśmieńnika kvietki.
19 červienia — dzień naradžeńnia Vasila Bykava.Pamior u 2003 hodzie, i jahonaje pachavańnie vyliłasia ŭ masavuju manifiestacyju na praśpiekcie Niezaležnaści. Bykaŭ byŭ nie tolki vydatnym piśmieńnikam, ale i duchoŭnym nastaŭnikam. Jon davaŭ prykład datrymańnia svaich maralnych pryncypaŭ, navat u časy tatalitaryzmu.
Kłasik litaratury, naminavany na Nobieleŭskuju premiju piśmieńnik, jon byŭ siarod tych, chto svaim aŭtarytetam padtrymaŭ ruch za niezaležnaść Biełarusi. A paśla -- supraciŭleńnie novaj dyktatury.
19 červienia na mahiłu Bykava prynosiać kvietki.
Raźvitańnie z Bykavym: ludzi hadzinu stajali ŭ čarzie.
Raźvitańnie z Bykavym: ludzi hadzinu stajali ŭ čarzie.
Pachavańnie Vasila Bykava pieratvaryłasia ŭ šmattysiačnaje šeście pa praśpiekcie Niezaležnaści.
Apošnija hady žyćcia Vasil Bykaŭ pražyŭ u Finlandyi i Čechii. Tvorca, jakoha nazyvali «sumleńniem nacyi», rezka vystupaŭ suprać uzmacnieńnia aŭtarytaryzmu ŭ krainie i za heta jaho šalmavała aficyjnaja prapahanda.
Tolki pierad samym skonam Bykaŭ viarnuŭsia ŭ Biełaruś. Pamior piśmieńnik u 2003 hodzie ŭ ankałahičnaj bolnicy ŭ Baraŭlanach. Simvalična, što Bykaŭ, jaki najlepšyja svaje tvory pryśviaciŭ temie Druhoj suśvietnaj vajny, adyšoŭ z hetaha śvietu 22 červienia — u dzień, kali niemcy napali na Saviecki Sajuz.
Dahetul u Biełarusi
imiem Vasila Bykava nazvanaja tolki adna vulica — u ahraharadku Ždanovičy pad Minskam. Choć hramadskaść Minska, Hrodna, Salihorska i inšych haradoŭ nie raz źviartałasia da haradskich uładaŭ z prapanovaj ušanavać pamiać piśmieńnika.
Vasil Bykaŭ pachavany na Uschodnich mohiłkach Minska. U dzień jaho naradžeńnia, u dzień skonu, tudy prychodziać ludzi — pakłaści kvietki, ušanavać pamiać piśmieńnika. Taksama 19 červienia adbyvajecca impreza ŭ vioscy Byčki (Ušacki rajon, Viciebščyna) — na radzimie Vasila Bykava. Tam uručajecca premija «Za svabodu dumki», zasnavanaja rucham «Za Svabodu». Sioleta premiju, najchutčej, atrymaje Uładzimir Niaklajeŭ.